Pickabowl (D2 Place ONE)

Open Now

Now Closed

今日和同事去咗茘枝角見客，辦完事係時候醫肚，同事一向係個健康飲食者，佢上網搵到D2 Place 一期有Pickabowl，就話一齊去食晚餐。餐廳裝潢簡約舒適，還備有健康的飲用水給客人取用。餐廳主打夏威夷魚生蓋飯，以健康為主, 配合刺身+蔬菜+自選海苔飯/半糙米飯/沙律/沾烏冬, 食材新鮮又豐富，即叫即整。夏威夷四重奏係預設其中一款，當中有辣味三文魚、經典吞拿魚、泰式酸辣熟蝦、牛油果，微辣的三文魚別具風味，大蝦食落十分爽口，配滑溜的烏冬，伴入彩虹配菜有蕃茄、青瓜、甜椒配自家製醬油，份量十足，口感豐富，健康又好味！另外又可以D.I.Y自選適合自己口味的配搭。加州三文魚魚油滿滿，西班牙蒜油八爪魚，帶蒜香又有煙韌的口感。加入蟹籽增加口感，配烏冬，蛋黃配菜有菠蘿、青瓜、蟹籽、蛋黃醬，還添加了一隻温泉蛋，伴入更美味。