漁川米線 (沙咀道)

Open Now

Now Closed

今日收工落荃灣買d野, 好似好耐無食, 今次唔食鯇魚, 叫左鮮茄勝瓜黃花魚米線另外加左南瓜, 由於我一個人, 當時爆晒, 比安排坐係收銀台隔離的頂腳長枱, 勁唔舒服, 坐得好辛苦🥹等左一陣先送上, 橙紅色的湯底先飲幾啖湯, 充滿海魚的味道😋, 可能有蕃茄同南瓜, 所以變左橙紅色的湯底, 由於個人唔食生葱, 叫人走青剩係比芫茜, 南瓜唔係好甜, 不過煮到好淋都好食👍, 黃花魚好新鮮, d肉有甜味, 唔會好似魚米成條炸到走晒樣, 我聽到好多食客都係叫黃花魚, 米線正常味道, 唔會太淋, 可能浸左湯, 所以都幾好食👍再食蕃茄, 好有甜同酸的味道🥰😍, 由於份量好多, 都要花d時間才食晒🤣不過服務就真係唔係好掂😑, 由於食飯時候好似想趕人快d走的態度😶, 見到有二個食客準備都走, 有客想入, 叫人坐埋一邊🙉, 我拿定$也準備起身, 收銀見我有$係枱, 佢話我拿來比$先, 講真唔洗趕客趕到如此🤔, 好似基本服務態度都無🙊