Video
Read full review
2017-07-07
515 views
同母親大人食生日飯，揀了一間在荃新天地的西餐廳，去年食過覺得不錯，地點近屋企又近公司，兩方面出席都無難度。約八點多來到，幾乎全場滿座，好彩有book到枱，等了一回就可入坐。看緊餐牌時，店員送上餐包，香脆的麵包條配上特式醬，鹹鹹地幾好味。亞洲特色併盤（$148）小山丘的黃薑飯，再配上炸物，咖哩雞，鷹咀豆等，實在係飽肚之選！黃薑飯中混了紅青椒，提子乾，椰漿等，鹹鹹地又甜甜地，看似少少的，但實則勁飽，可能係椰漿漏掛。咖哩雞的咖哩汁也是充滿椰香，甜而不辣，炸蠔香脆肥美，仲有幾粒炸肉丸，同樣香口，好味呀～BBQ烤辣味荷蘭豬肋骨配菠蘿醬（$155）份量意外地大呢，居然有兩件豬肋骨，呢個自己去超市買都唔平㗎，抵食！味道係滿滿的Bbq醬味，肉嫩，一切就開好易食，旁邊仲有香脆薯條同新鮮爽口的沙律，好豐富。至於個菠蘿醬，甜甜的好清新，但豬肋骨已經好入味無乜點過個醬，大部分都係用左黎點薯條，哈。特調鮮奶冰咖啡（$48）好有架勢的冰咖啡，自己加糖加奶，仲有咖啡冰，不怕越飲越淡。好大杯，咖啡香醇奶奶，好好飲。綠野仙蹤（$42）呢個係果茶黎，入面係蘋果，玫瑰花等，又香又甜，真係有童話的感覺，而且冰在外同樣亦不怕變
約八點多來到，幾乎全場滿座，好彩有book到枱，等了一回就可入坐。
看緊餐牌時，店員送上餐包，香脆的麵包條配上特式醬，鹹鹹地幾好味。
亞洲特色併盤（$148）小山丘的黃薑飯，再配上炸物，咖哩雞，鷹咀豆等，實在係飽肚之選！黃薑飯中混了紅青椒，提子乾，椰漿等，鹹鹹地又甜甜地，看似少少的，但實則勁飽，可能係椰漿漏掛。咖哩雞的咖哩汁也是充滿椰香，甜而不辣，炸蠔香脆肥美，仲有幾粒炸肉丸，同樣香口，好味呀～
BBQ烤辣味荷蘭豬肋骨配菠蘿醬（$155）份量意外地大呢，居然有兩件豬肋骨，呢個自己去超市買都唔平㗎，抵食！味道係滿滿的Bbq醬味，肉嫩，一切就開好易食，旁邊仲有香脆薯條同新鮮爽口的沙律，好豐富。至於個菠蘿醬，甜甜的好清新，但豬肋骨已經好入味無乜點過個醬，大部分都係用左黎點薯條，哈。
特調鮮奶冰咖啡（$48）好有架勢的冰咖啡，自己加糖加奶，仲有咖啡冰，不怕越飲越淡。
好大杯，咖啡香醇奶奶，好好飲。
綠野仙蹤（$42）呢個係果茶黎，入面係蘋果，玫瑰花等，又香又甜，真係有童話的感覺，而且冰在外同樣亦不怕變淡，有誠意。
熱朱古力布甸（$55）食完主菜點可以無甜品，哈，要了朱古力布甸，濃濃的朱味，口感像brownie，但熱食中間是流心的，甜甜的好正！
法式香蕉酥配蘇格蘭奶油汁（$45）仲有呢個香蕉酥，中間的吉士醬甜而不膩，中間夾了香蕉片，酥皮香脆鬆軟，又甜又香好好味呀～甜品果然很重要！
勁飽勁滿足的一餐！
Post
