魚米家魚湯米線 (Closed)

今日做完service嚟到寶林，因為唔太熟路所以都係返商場覓食。記得年頭做緊hello kitty展覽嗰陣嚟過一次，見到一間以蕃茄為主題嘅日本料理，奈何同行朋友敵視蕃茄，輾轉去到魚米家。今日獨行覓食，可惜該餐廳已結業，機緣巧合下，我再次嚟到魚米家。剛好坐到自閉位，唔洗同人尷尬撐枱腳枱面同雙人枱一樣闊，好坐可靈活轉湯底同麵類，豬扒同其他丸類竟然同價！魚湯值得一讚奶白色澤同屋企靚湯不分上下冇腥味不在話下，湯底濃陏鮮甜不 確喉。美中不足嘅係雖然見到湯底有辣椒碎花椒粒，但就不得其味辣度對upper moderate tolerance 嘅我都唔夠。可以話係辣椒只取其香。米線比唔少地方滑，但比雲南食到嘅尚有點進步空間三件豬扒。調味足夠，但毫無香茅味，貨不對辦。而豬扒明顯被鬆肉粉處理過，過稔。跟餐奶茶，茶有少少酸。大商場中難得嘅實惠價格，加上無得輸魚湯，仍然值得一個