三家村水產 (Closed)

平日去鯉魚門多數都係食海鮮，估唔到都有間幾好嘅日本餐廳，今日我哋就過嚟試吓🍴餐廳喺近碼頭嗰邊個角落位，離海鮮街都有啲遠。不過泊車就方便好多。入面啲枱都好闊落，窗邊仲有海景位，不過因為我哋冇訂枱，所以就冇安排到海景位。有個海鮮檔位，可以自選啲新鮮嘅海產做刺身或者炭燒海鮮檔嗰邊我哋叫咗象拔蚌刺身、清酒煮三色貝、燒榮螺～全部都好新鮮生猛仲好甜～份量偏少燒銀雪魚乾~必食推介～香脆嘢味～唔會太乾～份量唔少都幾抵食黑松露櫻花蝦海膽炒飯～海膽鮮甜～飯炒得好好，每一粒飯都好入味總括嚟講，餐廳嘅海產係非常新鮮，雖然有少少貴但係都值得嘅！因為偏僻，唔使等位亦都冇乜人。