三家村水產 (Closed)

今日男朋友生日，早一星期已經whatsapp book定位，個個朋友去完都讚，所以就試下啦。地點較唔方便，近鯉魚門碼頭。 我哋就自己揸車去，餐廳有個優惠，可以claim番的士錢或者泊車錢。叫左個九點二切刺身有油甘魚，蝦，拖羅，鯛魚，鮑魚，海膽帶子...好新鮮。想叫個馬友一夜干，點知已經賣晒。就叫咗個燒海膽蠔。味道一般。蠔燒到有少少硬。叫咗個海膽黑松露櫻花蝦炒飯。好香，而且唔油膩，好足料。食完臨走前先發現，侍應比少咗張餐牌我，果張餐牌係有其他套餐。不過我地已經好飽，有機會可以再嚟試吓其他海鮮。