鯛魚魚湯專門店 (Closed)

一入到餐廳就聞到好濃嘅魚湯味，唔鍾意嘅人可能會覺得腥，嚟得食嘅應該都唔會太抗拒嘅。叫咗鯛魚片魚湯烏冬，可以加錢要其他配料，有車仔麵嘅靈活度，魚湯係奶白色，飲落的確好夠魚味，唔會好腥，餐牌介紹話個湯底係用咗好多鯛魚製作十幾小時，飲落的確係幾濃厚，烏冬幾有驚喜，Q彈得嚟又掛湯，至於鯛魚片都正正常常，幾滑口。依間餐廳不設茶水供應，午市或者晚市想飲野就要畀錢，咁因為佢唔收加一服務費，所以算係可以接受嘅 ，OK！