棠記雲吞麵

Open Now

Now Closed

近排公司都比較多野做，收工之後又見餓餓地，所以叫左個老死落黎食個宵夜 吹下水。口啖啖想食個麵，所以就係附近搵左呢間棠記整返碗雲吞麵。傳統既麵鋪間隔，牆上貼滿menu同價錢，以依家既物價，20蚊唔洗就一碗雲吞麵真係買少見少。我當然毫不猶豫咁叫左碗雲吞麵，單拼會有4粒雲吞，皮薄、用料十分足，蝦肉仲多過豬肉，鹼水味唔重，再落d辣椒油就更惹味。友人就叫左雲吞河，話想食下河粉 清清地，但重點都係要試一試個雲吞。另外，我地都叫左碟時菜加一加送，呢晚就得返通菜，但用腐乳通菜配麵都不失為一個唔錯既選擇。再黎樽豆漿都係6蚊，冰凍 豆味濃，食完再飲啖既爽快程度都唔輸比可樂架。今時今日20蚊可以食到乜？睇到呢一刻我諗你都已經知道個答案。