廈門風味阿珠小吃店 (Closed)

太座好友到訪新居，開餐，費事行咁遠，順步走去美景街一吃福建小食....最終因為太肚餓，叫到一檯都係，"小"吃卒之變咗"大"吃..太座極愛吃佢哋嘅燕肉餃，點名一定要食。嚟個沙茶燕肉餃大腸蠔仔麵線，沙茶醬感覺冇上次食咁濃，稀咗D，失望；燕肉餃維持水準，皮薄而煙韌，餡亦鮮；大腸夠淰，冇異味；蠔仔夠多，依舊食得過...蠔煎入面蛋嘅部份煎得有點過老，不過又係勝在蠔仔份量幾足，醮上甜多過辣嘅辣椒醬，極開胃，都算食得過...春卷極出色--- 用上薄薄春卷皮包入十多種餡料，淨係包都講功夫同心機。一口咬下，食得出有蝦米、多種不知名嘅蔬菜、蠔仔、肉碎及醃蘿蔔絲等。求證老闆娘，原來仲有紫菜絲添，將所有配料煮熟後切到碎碎，然後再用春卷包住，大大條只賣八大洋，仲要係好食添，超值...炸芋盒有鹹有甜，當晚叫咗個鹹嘅。以韭菜肉碎作餡，一口咬下，熱辣辣，芋茸有點甜，配合鹹嘅餡料，一鹹一甜，自己就頗喜愛，但太座就麻麻哋...炸米粉冇添加配料，嚟個清炒，炒得頗乾身，OK...再加碟焯生菜同豆漿，埋單你估係幾多?一百大洋有找...食到翻肚都係位位三十多大洋...絕對係土瓜灣大部份食肆嘅特點--- 價亷夠飽肚(雖未至於間間都