肯德基家鄉雞 (KFC) (Closed)

早餐要豐富, 又想慳錢, 我首選KFC。點餐 - 畀錢 - 入袋 - 拎走, 全程都唔洗5分鐘, 啱曬我哋啲趕頭趕命嘅打工仔🏃🏃🏃呢個6號餐, 有薯餅又有雞扒, 一次過滿足我所需, 唔夠嘅話重可以加多個通粉添。特別鐘意佢嘅薯餅, 大大塊, 又夠脆。雞排結實, 唔算嫩滑, 起碼唔會鞋口, 不過就鹹咗啲。一向都唔like快餐蛋, 對我黎講佢就只係一舊有蛋味嘅東西, 你懂的。不過廿幾蚊個餐, 算係咁啦。今日呢個餐用優惠券只係$25, 比正價平左成3蚊雞架💸, 冇券喺手都可以上網用電子券, 雖然只係幾蚊, 但小數怕長計呀嗎, 撳個掣就可以慳到, 又何樂而不為呢