樂林小鍋米線 (Closed)

12月12日, 今日去搵呀比食lunch, 佢帶咗米線癮起嘅我去食一間佢覺得都幾唔錯嘅小店~ 原來就係呢間喺openrice都甚多好評嘅樂林. 可能我地去到已經過咗食飯時間, 唔洗等位就已經有得食!::: 豬頸肉金菇清湯小鍋米線 + 凍奶茶 ::: $31+$5不嬲唔食辣嘅呀菲就要咗個豬頸肉金菇清湯小鍋米線~ 小鍋米線本身已經有齊酸菜、芽菜、蔥、滷蛋、芫茜同肉碎, 不過因為本身肉碎帶辣, 所以要咗清湯就會走埋肉碎. 雖然話係清湯, 但係都有d味, 加上配料豐富, 所以味道絕對唔會寡~ 金菇都係普通野, 反而豬頸肉做得有驚喜, 每條都煎得焦香惹味, 咬落爽口兼彈牙, 實在值得推介! 主角米線亦夠煙韌唔會煮得過腍, 淨係夾埋啖啖都有嘅配菜一齊食都夠晒味~凍奶茶都沖得有水準! 茶味奶味夠平均, 叫咗少甜都做得到~ 抵讚!::: 五香牛展春卷酸辣小鍋米線 + 凍朱古力 ::: $31+$5欣賞佢嘅酸辣湯底味道濃得嚟, 個酸度唔會好嗆, 而辣味又唔會好勁, 湯底好香芫茜蔥味, 滷蛋亦係雲南米線中少見~ 牛展個滷水味幾好, 甜甜地嘅啖啖肉好吸引~ 春卷係普通貨色, 略為有d煮過頭, 淡咗d…凍朱配