Villa Villa Burger (Closed)

夜晚想偷懶唔煮飯，決定喺屋企附近的Villa Villa burger買漢堡當晚餐。餐廳主力做外賣，平日夜晚都有唔少人排隊，幾受歡迎。店內漢堡選擇都幾多，例如有常見的牛堡、魚堡之外，都有特色口味如西檸雞、日式燒烤醬豚肉，今次我就揀咗想着餐單上嘅手打蝦餅漢堡，同鯛魚柳漢堡。<鯛。魚柳漢堡> $68煎蛋+$10魚柳漢堡配料有鯛魚柳、塔塔醬、牛油生菜、番茄、紅洋蔥，額外加$10蚊有煎蛋。鯛魚柳厚身，加上開胃嘅塔塔醬汁、紅洋蔥，以及清新嘅牛油生菜&蕃茄，味道輕盈得黎又有層次，煎蛋更有流心效果～漢堡包體用咗自家製墨魚汁製造，麵包鬆軟、略帶微甜，令人驚喜。<手打蝦餅漢堡> $78焦糖洋蔥+$10另一款漢堡則包括手打蝦餅、泰式海鮮汁、甜辣醬、紅洋蔥、牛油生菜、蕃茄，並另外加$10要焦糖洋蔥，蝦餅肉質爽口彈牙，啖啖肉。泰式海鮮汁、甜辣醬味道帶點微辣，開胃得黎又好惹味。漢堡包+$20就可以升級套餐，包括一個漢堡、一盒薯條和一罐飲品，並且加$10有芝士醬，咁樣計落比較抵食！厚身薯條新鮮炸起好香口，表面亦有灑上調味料；芝士醬味道香濃，令薯條嘅鹹香更上一層樓。