NN Coffee & Gin (Under Renovation)

前排朋友話想嚟呢間餐廳打卡，今日就同咗佢哋食晚飯✨ 入到去見到粉紅色一片，好有少女心，位置相當寬敞唔使驚影到其他人📸 由於我有選擇困難症嘅關係，朋友直接揀咗兩個意粉，分別係煙花女意粉同香蒜大蝦意粉🤣 上菜之後忍唔住不停影相，因為擺碟實在太靚🤩 特別推介香蒜大蝦意粉，超級足料，每一隻蝦都做到爽口彈牙嘅感覺，意粉亦都唔會做得太淋，大蝦同埋意粉配搭非常配合，份量亦都好大🤯 兩個女仔食係完全夠飽👍🏼 絕對對得住呢個價錢！另外叫咗兩杯飲品，朋友想飲酒就叫咗lovehug😍 店員上杯飲嗰陣我哋都wa咗一聲，心形嘅杯加上紫色嘅酒真係冇得輸！我個杯lemonade亦一啲都唔普通，層次做得好好，調味都做得唔錯，唔會話好酸既口味，夏天飲簡直就係正👍🏼非常推介呢一杯夏天特飲🤤🤤🤤呢度唔止打卡靚，食物都好食，值得一讚！會再帶其他朋友嚟打卡🤣 有機會一定唔會再返嚟幫襯！非常鍾意呢度嘅佈局同埋setting！嘢食亦都唔錯，CP值非常高😽😽😽