Video
Read full review
2022-05-24
152 views
上網見到好多人試食呢個酒味burger，酒味都幾香幾特別，一於嚟到鰂魚涌試一試！睇吓係咪真係咁好食！🍴威士忌雙重芝士手打牛肉漢堡 $93 (7.5/10)burger都好有份量，好厚身，個口一啖係食唔晒！入面有生菜，紫椰菜，葱，蕃茄，芝士，牛肉餅，千島醬。麵包有煎香過，甜甜地，都幾鬆軟！另外有支小嘅威士忌汁，可以灑上去burger度食，一次過就灑晒落去，食落酒味一啲都唔香濃，好淡，食到酒微微苦澀味，牛肉冇牛肉味，肉質比較散同淋身，食得出自己手打，帶有香濃嘅黑椒味，煎得唔乾身，食落唔會太乾，千島汁蕃茄都有水份，但唔會太濕，整體感覺都有啲失望，未到好好食，但OK中上，食得出材料新鮮，同埋有心去做，但酒味真係唔夠濃，就冇咩驚喜。🍴薯條 非酒精類飲品 跟餐加$18 (7.5/10)薯條即叫即炸，外脆內軟，比較粗身有口感，食得出用新鮮薯仔，有薯味！🍴忌廉芝士磨菇釀雞翼 $58 4件 (8/10)反而呢個幾有驚喜！雖然雞翼煎燶咗，外脆內軟嘅，但入面蘑菇芝士幾香濃，好重芝士味，磨菇有口感，雖然釀得唔多料(雞翼所限)，但真心幾好食！覺得雞翼仲好食過burger😆推薦指數: 7.5/10整體質素都唔錯，
🍴威士忌雙重芝士手打牛肉漢堡 $93 (7.5/10)
burger都好有份量，好厚身，個口一啖係食唔晒！入面有生菜，紫椰菜，葱，蕃茄，芝士，牛肉餅，千島醬。麵包有煎香過，甜甜地，都幾鬆軟！另外有支小嘅威士忌汁，可以灑上去burger度食，一次過就灑晒落去，食落酒味一啲都唔香濃，好淡，食到酒微微苦澀味，牛肉冇牛肉味，肉質比較散同淋身，食得出自己手打，帶有香濃嘅黑椒味，煎得唔乾身，食落唔會太乾，千島汁蕃茄都有水份，但唔會太濕，整體感覺都有啲失望，未到好好食，但OK中上，食得出材料新鮮，同埋有心去做，但酒味真係唔夠濃，就冇咩驚喜。
🍴薯條 非酒精類飲品 跟餐加$18 (7.5/10)
薯條即叫即炸，外脆內軟，比較粗身有口感，食得出用新鮮薯仔，有薯味！
🍴忌廉芝士磨菇釀雞翼 $58 4件 (8/10)
反而呢個幾有驚喜！雖然雞翼煎燶咗，外脆內軟嘅，但入面蘑菇芝士幾香濃，好重芝士味，磨菇有口感，雖然釀得唔多料(雞翼所限)，但真心幾好食！覺得雞翼仲好食過burger😆
推薦指數: 7.5/10
整體質素都唔錯，不過價錢偏貴，食物質素未去到超級好食，但都算中上，每樣材料都新鮮去做，想食酒味香濃嘅話就失望了！可能食平啲嘅包會開心啲，朋友食嘅炸雞burger都幾唔錯！
Post
