Video
Read full review
2022-06-02
370 views
係正宗泰國餐廳，由泰國人主理，落單聽到泰文嘅。Lunch time 真係勁多人嚟食，午餐好抵食，$65-$68一個餐包點嘢飲，有炒粉，海南雞飯，咖哩，好多選擇，加$18又有小食。本來想飲泰式奶茶，但已經賣曬🥹可見生意真係好好！🍴 泰式蝦球炒金邊粉 $68 (8/10)好大碟，啲金邊粉好多，一定夠飽！有三粒蝦球，蛋，葱，芽菜，花生碎，啲料比較少，金邊粉比較多，咁嘅價錢ok啦，夠飽肚！金邊粉比較煙韌有口感，比較黏口濕潤，酸酸甜甜好開胃，調味啱啱好，花生碎撈埋一齊食好香口，蝦球都爽口，食完好飽，真心抵食，味道好唔錯！🍴素菜春卷 +$18 (8/10)即叫即炸，入面係粉絲嚟，微微鹹味，清淡得嚟好香口，點泰式雞醬酸酸甜甜地，好食！🍴 滋潤龍眼茶 (6.5/10)冇冰，味道比較淡，清甜嗰種，真係有龍眼肉，好想試下泰式奶茶！推薦指數: 8/10平民小店，良心份量，調味炒粉炸嘢都好唔錯，真心會再去食，試下其他餐！
🍴 泰式蝦球炒金邊粉 $68 (8/10)
好大碟，啲金邊粉好多，一定夠飽！有三粒蝦球，蛋，葱，芽菜，花生碎，啲料比較少，金邊粉比較多，咁嘅價錢ok啦，夠飽肚！金邊粉比較煙韌有口感，比較黏口濕潤，酸酸甜甜好開胃，調味啱啱好，花生碎撈埋一齊食好香口，蝦球都爽口，食完好飽，真心抵食，味道好唔錯！
🍴素菜春卷 +$18 (8/10)
即叫即炸，入面係粉絲嚟，微微鹹味，清淡得嚟好香口，點泰式雞醬酸酸甜甜地，好食！
🍴 滋潤龍眼茶 (6.5/10)
冇冰，味道比較淡，清甜嗰種，真係有龍眼肉，好想試下泰式奶茶！
推薦指數: 8/10
平民小店，良心份量，調味炒粉炸嘢都好唔錯，真心會再去食，試下其他餐！
Post
