Video
Read full review
2017-07-10
987 views
今日老婆放早過左黎太古等我放工, 為左獎勵佢咁乖, 我帶左佢去位於鰂魚涌東達中心呢幢工廈嘅AGE Cuisine Express嘆返個靚dinner。😄AGE Cuisine Express所在嘅位置相當隱蔽, 如果唔係去過好難會估到可以係呢幢工廈入面Fine Dining。東達中心外面睇唔出入面有食店, 就算入到去睇水牌都可能唔知AGE Cuisine Express係餐廳。😂入到餐廳入面同工廈感覺完全唔同, 非常有歐洲小店風格。😍晚餐價錢唔貴, 不過一個餐除了主菜還有湯, 甜品及飲品, 點兩個餐我地驚食唔哂, 老婆又唔食牛, 所以最後我地點左美國極黑豬肉眼扒伴香菌燒汁dinner set一份, 另點了一個9吋Pizza同一客傳統意大利蘋果芝士撻。是日餐湯係南瓜忌廉濃湯, 侍應好細心攞兩隻湯匙俾我地Share。果湯南瓜味好香, 入口好細滑, 略帶炒少酸味, 醒胃又唔膩, 唔錯。👍個餐包老婆食哂, 佢話又香甜又鬆軟。😳蘑菇風乾火腿薄餅原來9吋已經好大個, 兩個人食都覺得多。材料好豐富, 餅底好香脆。蕃茄醬, 蒜片同水牛芝士配呢款薄脆餅底好夾, 再加上蘑菇同巴馬火腿片, 味道好豐富, 另
AGE Cuisine Express所在嘅位置相當隱蔽, 如果唔係去過好難會估到可以係呢幢工廈入面Fine Dining。
東達中心外面睇唔出入面有食店, 就算入到去睇水牌都可能唔知AGE Cuisine Express係餐廳。😂
入到餐廳入面同工廈感覺完全唔同, 非常有歐洲小店風格。😍
晚餐價錢唔貴, 不過一個餐除了主菜還有湯, 甜品及飲品, 點兩個餐我地驚食唔哂, 老婆又唔食牛, 所以最後我地點左美國極黑豬肉眼扒伴香菌燒汁dinner set一份, 另點了一個9吋Pizza同一客傳統意大利蘋果芝士撻。
是日餐湯係南瓜忌廉濃湯, 侍應好細心攞兩隻湯匙俾我地Share。果湯南瓜味好香, 入口好細滑, 略帶炒少酸味, 醒胃又唔膩, 唔錯。👍
個餐包老婆食哂, 佢話又香甜又鬆軟。😳
南瓜忌廉濃湯
56 views
0 likes
0 comments
蘑菇風乾火腿薄餅原來9吋已經好大個, 兩個人食都覺得多。材料好豐富, 餅底好香脆。蕃茄醬, 蒜片同水牛芝士配呢款薄脆餅底好夾, 再加上蘑菇同巴馬火腿片, 味道好豐富, 另外連同最頂層的芝麻菜沙律一齊食, 入口好清新, 唔會太咸或太酸, 味道剛剛好。😋
蘑菇風乾火腿薄餅
$136
37 views
0 likes
0 comments
今晚主角係dinner set嘅主菜: 極黑豬肉眼豬扒。香菌燒汁好creamy, 豬肉眼肉質鮮嫩多汁, 唔會煮得太熟, 切開仲見到微微粉紅色, 豬肉味非常濃。配菜薯角令我地好驚喜, 外層薄微脆, 薯仔肉豐厚, 個芥末醬非常出色, 老婆都好少對配菜讚不絕口。🍴
美國極黑豬肉眼扒伴香菌燒汁
31 views
0 likes
0 comments
薯角
13 views
1 likes
0 comments
店員推介我地跟餐選配由咖啡豆調製嘅咖啡, 味道果然唔錯, 入口香滑, 最緊要係唔駛另加錢。😙
熱咖啡
28 views
0 likes
0 comments
傳統意大利蘋果芝士撻賣相好有趣, 唔太甜, 外層口感似泡芙, 入面係芝士餅, 老婆連d生果都食清光。😄
傳統意大利蘋果芝士撻
$58
24 views
1 likes
0 comments
跟餐嘅栗子朱古力蛋糕對於我黎講甜左少少, 老婆就覺得剛剛好, 所以大部份都係佢食哂。🙈
栗子朱古力蛋糕
11 views
0 likes
0 comments
甜品都食埋, 每人都係200鬆, 價錢相宜。
Post
