Grotto

Open Now

Now Closed

依間Cafe嘅位置唔算顯眼，但勝在佢門口係好搶眼嘅藍色好適合影相打卡。佢哋嘅服務員態度都好好，cafe環境都十分舒適👍🏻開心果牛角包窩夫$46呢個牛角包窩夫可以外賣，堂食就要加1。今次經過鰂魚涌想搵個地方坐吓，所以都係選擇咗堂食。開心果牛角包窩夫賣相十分之靚，好打卡👍🏻上面嘅cream有淡淡嘅開心果味，所以如果想食龍開心果味嘅朋友可能會有啲失望，而上面亦都有少量嘅開心果碎，但係都未能夠加重開心果味。牛角包窩夫嘅質感微暖有啲硬，質感唔算太好，而且份量細件，所以堂食加一嘅話，要五十蚊一個就真係有啲貴。食過一次就唔會再食。