寿司造 (好運中心商場) (Moved) New Location

地址：灣仔莊士敦道112號地下2號舖環境：日系木系裝修。簡單而不失舒適溫暖感。 店鋪主做外賣生意，選購位置闊落好行，而產品櫃產品種類亦非常繁多🙆‍♀️ 收銀位置有牌寫住寿司造 APP 會員迎新獎賞＄20現金券，埋單前有做會員慳錢特點：最近做緊期間限定鰻祭😆 唔執輸嘅我都order 三款主題卷物😚✨鰻魚玉子珍寶卷：鰻魚唔乾香甜無細骨。 玉子鬆軟濕潤、色澤金黃，蛋香味重。✨ 鰻の三味盛：包括有蒲燒鰻魚壽司、星鰻壽司 、蔥香鰻魚卷。當中最鐘意星鰻，平時食開嘅鰻魚多數有蒲燒汁，星鰻少咗蒲燒汁，入口更食到清爽柔嫩鬆軟嘅口感。✨ 海の鮮味卷：呢個超吸晴。 上層有海膽、三文魚籽，外層就用星鰻包住咗卷物😆 三文魚籽爽口新鮮，每一啖咬落都有魚香味重嘅三文魚籽汁液爆出勁正。配搭濃郁豐腴海膽同星鰻，每啖都有三重享受。