炭家 (Closed)

今日嚟到中環搵好野食，行到歌賦街見到呢間炭家，望落感覺幾唔錯，好有日式風格，所以就決定入嚟食。。炭燒生蠔套餐除咗有六隻生蠔之外總會有一枝黑松劍菱清酒或者六哥仙純米有氣清酒，我揀咗黑松劍菱清酒因為我覺得呢一支靚啲😂。店員會用一個好靚嘅酒瓶幫我哋倒入清酒，而且仲可以選擇酒杯，有好多款各式各樣嘅酒杯，每一款都好靚😍。生蠔係選用北海道仙鳳趾，大大隻好肥美，食之前唧少少青檸汁上去，味道再進一步提鮮，非常鮮甜❤️。。-鰻魚重首先會上左一個鰻魚啫喱、茶碗蒸同日式清湯。啫喱好特別，細細地但係有好濃厚嘅鰻魚味😛。茶碗蒸好鮮味，蛋蒸得好滑嫩😋。輪到個主角鰻魚飯，大大條肥美嘅鰻魚就放喺中間，首先當然要打卡先😆。蒲燒鰻魚，個醬汁啱啱好，唔會太濃太膩👍🏻。而鰻魚肉質爽口，尾部總會有少少焦脆，大愛❤️。。串燒總共叫左4款，分別叫左鰻魚肝串、雞胸肉紫蘇卷、豚蘆笋卷同洋蔥，各款都好好味🥰。我特別鍾意雞胸肉紫蘇卷同洋蔥，紫蘇甘甘地嘅味道好特別，而雞胸亦都好出色，燒得岩岩好，肉質軟淋而且多汁😛。而洋蔥係日本嘅淡路產，食落特別鮮甜，一啲都吾辣口👍🏻。。鰻魚厚燒玉子勁厚嘅玉子包住肥美嘅鰻魚，甜甜嘅玉子同鰻魚好夾，蛋味超濃郁，咬落