Burger Factory (Closed)

以前黃埔唔就腳,而家有左地鐵站,見呢到咁多野食,更係要黎搵食啦!呢一頭好多小店,反而大集團的連鎖餐廳就冇咩,咁反而仲好,可以食到D有特色的小食外,又可以支持香港人本地創業!行過見到呢間burger factory好似外國的外餐店,得外面幾個位, 地方雖然狹窄,但呢D都係外國風味! 個老細見我地有D興趣就叫我地過去,仲話開張桌比我地. 不過咁岩BAR 有人走,我地就過左去坐,仲可以係窗口望到入面2個職員點樣即叫即整BURGER,佢地動作好快手!我地叫左一個鰻魚流心芝士奄列漢堡, 鰻魚非常之長,而且沾滿燒汁, 而滑蛋唔會炒得老, 好滑好MATCH, 一個SET連100蚊都唔使, 如果係尖沙咀果邊食一定起碼要$150!之後我地叫左個紅酒燴牛肉面珠漢堡,呢個配搭係其他burger店好少見, cheek好軟身易咬,勁juicy,食到D汁成手都係哈哈!好睇得出無論係配搭和烹調上落足心思,仲有唔少得既蕃薯條,好脆好熱!! 真心highly recommend 呢間小店!