鮨川 (Closed)

辛苦工作當然係為左食好西銅鑼灣區出名有好多隱世高級日本餐廳今日揀咗呢間「鮨川」試試水溫環境都幾靚幾舒適！大玻璃，日光充足！一行三人點了好幾款菜式：刺身、壽司、和牛、鰻魚都有！重點分享幾款我特別喜歡的！！！前菜除左例牌沙律之外，仲有我好喜歡嘅鱈魚乾！！！香、脆！個種濃郁嘅鱈魚香，係一種after taste，會喺你口腔律徊，揮之不去！無得頂！一人一碟都唔厭多接著有選材自鹿兒島的A5和牛 pan fry 的牛柳粒唔洗多講，睇相都感受到好JUICY同個牛脂好香！！簡直係一種享受！仲有仲有，我大大大大愛個鰻魚飯！（我平時係唔食魚的，怕腥，一丁點腥都接受唔到）但係呢度個鰻魚飯真係無得頂！！！食得出好有鮮味！唔係得個鰻魚燒汁個隻鹹味！！！！！！聽經理講，個分別就在於呢間餐廳，唔係用一批批交貨黎個啲鰻魚而係師傳親自處理的原條鰻魚！！口感好實，一啲都唔會散！個！魚！皮！超！級！香！！！！！！！（我平時係必定唔食魚皮的！今日都極速食曬個魚皮）再加埋其他刺身呀，壽司呀店員服務又好，好有禮貌！要咩都即刻有回應有幫手！總括而言，今日試新野成功！有驚喜！！