德美壽司 (新都城中心1期) (Closed)

今晚收工同朋友食飯，晚上7點幾，已經好多人排隊，好彩朋友一早到。餐廳晚市有定食，一個魚生飯大約$100，價錢唔算貴。我點了刺身同定食。刺身盛合$238有五種刺身兩切，有吞拿魚、油甘魚、三文魚、同甜蝦，帆立貝就有4粒，來貨幾新鮮，同朋友食得幾開心。活鰻魚朴葉飯定食$108鰻魚飯份量夠，鰻魚幾厚身，用朴葉蒸出有葉香，食落去啖啖清香，性價比幾高。定食送沙律，沙律幾新鮮，湯仲有蜆肉，特別清甜最後仲有甜品，抹茶蕨餅，煙煙韌韌幾好食。