日常料理 (Closed)

之前聽朋友推介過呢間，隔咗幾個月，今日終於去咗試🤣一入到餐廳已經覺得黃氣迫人，周圍都係文宣💛🍛日式咖喱吉列豬扒飯($72)吉列豬扒做得唔錯！炸衣唔厚，好脆～豬扒亦都好淋，幾好食😋不過配菜唔多，只有薯仔，咖哩比起平時嘅日本甜咖哩稍為較辣，大概中辣左右，可能嘴唇有啲爆擦，覺得越食個唇越熱，我食到一半要飲野解一解辣😂🍛日式滑蛋鰻魚飯($118)一上枱，就見到個飯好多汁仔細啲睇，唔係平時見嗰種杰身嘅鰻身燒汁，而係類似豉油咁水狀，撈勻哂成個飯。開頭食還好，但食到底就好明顯太咸😬滑蛋做得幾好，質地真係好滑，都幾香蛋味～鰻魚真係唔多ok，我一嘗試用筷子匙羹去分開嚿鰻魚就知不妙，因為嚿鰻魚啲肉真係好韌，韌到我覺得係要用刀先切到😂我知好多餐廳都用冷藏鰻魚，但都無韌得咁誇張，我都唔知係咩原因可以導致咁，最後我惟有成條咬😂味道就一般，不過配合個好韌嘅口感，就覺得好奇怪🙈🍘和風牛肉可樂餅、蟹肉忌廉可樂餅($18, $32)正常發揮，無特別出色的地方，小食嚟講一食無妨🧃日本蘋果汁($16)呢餐飯全解佢幫我個嘴解辣🤣下次再嚟我會想試下叫餸食飯而唔係叫一碟嘅飯，感覺好似比較出色，如果單計今次嘅用餐體驗嚟講，我覺得價