碼頭上魚

Open Now

Now Closed

今日同朋友搭西鐵入元朗行街睇戲,係九龍入元朗真係好方便,都唔使廿分鐘就到,行到攰攰哋知道附近有好多好嘢食即刻過去望下,係鳳攸南街見到一間火鍋店好吸引,主打食材係食新鮮魚最啱我,即刻入去試下。入到去餐廳裝修得好整潔,而且座位嘅空間非常充足,坐得好舒服。我哋嗌咗個鴛鴦鍋 148 元,一邊係酸菜鍋,一邊係鰂魚鍋,佢真係成條鰂魚畀你放入湯底打邊爐。鰂魚鍋滾起咗味道好鮮甜,奶白色嘅湯底加上魚肉嘅鮮味打邊爐特別正。另外嗌咗條桂花魚 ,桂花魚份量都好多,而且切到好靚,好吸引,睇得出魚係非常新鮮,桂花魚味道非常鮮甜,肉質仲係好鮮嫩,魚嘅味道好香魚肉好滑,我自己鍾意食魚,真係好好味, 食到停唔到口羊肉卷 ,羊肉捲size好大,羊肉色澤紅潤新鮮,入口肉質嫩林,放喺鰂魚煲度食,帶有少少魚肉嘅鮮味,令到味道層次豐富咗,鮮味十足。鮮蝦雲吞 , 雲吞都好好味,入面嘅蝦肉仲係爽口彈牙,味道真係一流。另外嗌咗少少火鍋配料,其他食材都好新鮮,呢間火鍋店做出嚟嘅魚真係好鮮甜好好味。而且環境仲要係好舒服,下次入元朗一定會再嚟幫襯。