慶樺海鮮菜館

Open Now

Now Closed

波友聚會約到黎新蒲崗食小菜，睇吓餐牌都幾多選擇，今日就叫咗炸大腸，魚腸焗蛋，石窩炒芥蘭，蝦干魚肚浸勝瓜，拔絲咕嚕肉及上海粗炒炸大腸真係好邪惡，外表炸到好鬆脆！入邊帶少少肥！點埋酸汁食送啤酒就一流！魚腸焗蛋喺香港真係越嚟越少有，呢度個蛋厚身焗到好香.入邊有啲果皮嘅香味，魚腸亦唔腥，真係要趁熱！拔絲咕嚕肉個汁就幾好味，酸酸甜甜..不過略為厚粉！蝦干魚肚浸勝瓜，魚肚浸得夠透煮得夠淋入哂蝦干既鮮味、味道唔錯！石窩芥蘭食落清甜爽脆！朋友必點嘅上海粗炒，鑊氣十足，配埋點加嘅辣椒一齊食唔錯！