舍利鮨 (Closed)

入到餐廳比我想像中大，座無虛席可見其受歡迎程度。牆身酒櫃一目了然，適合聚餐碰碰杯🍶鱧魚天婦羅外層炸漿又薄又脆，內裡魚肉新鮮腍滑👅蓴菜三文魚籽杯配搭新穎，三文魚籽鹹香味美，蓴菜口感獨特，宛如果涷般嘅口感教人一試難忘😍清湯燉鮑魚味道鮮甜，口感軟腍又不失彈牙🦷喺燉嘅過程入面鮑魚嘅鮮味溶入湯汁，湯汁嘅味道又被鮑魚所吸收。食落略帶甜味，非常開胃🤗櫻煮八爪魚師傅介紹，係用上醬油浸泡，製作需時三日😱質地腍軟又有口感～朋友話未食過咁好食嘅八爪魚！中拖羅肉質特別肥美，含極重天然魚油！甘香十足，魚香持久🥰