Nunu燒 (Closed)

今日有時間來到中環，就想起朋友話有間食刺身丼好食的地方，咁就緊係捉住佢一齊食先正啦！睇完個餐廳真係好多選擇搞到我心大心細落唔到決定，朋友見我咁，就拿拿聲話交比佢。朋友二話不說就叫了雜錦魚生丼和葱吞拿魚蓉丼兩套餐都加了錢轉定食， 另加了蟹子沙律。雜錦魚生丼~材料好多好豐富，有 牡丹蝦，帶子，吞拿魚，三文魚子，劍魚，希靈魚，三文魚腩，熟吞拿魚蓉，其中牡丹蝦和三文魚腩最最最鮮，其他都好好味。葱吞拿魚蓉丼 ~ 超滑的吞拿魚蓉，食落好香下飯一流。蟹子沙律~夠fresh 清爽甜。套餐跟湯，沙律和甜品，整體感覺好好，新鮮食材，中環來講又座得舒服值得再去。