囍鍋蒸氣火鍋專門店 (Closed)

全場必試金箔黑松露南非龍蝦，龍蝦有一隻手掌咁大，面頭鋪了密密麻麻的黑松露，再加上矜貴的金箔，都只係成為＄48 ,喺度話比大家知一去到真係第一時間要嗌左佢先。而且龍蝦非常新鮮，食落口啖啖肉，啲肉又實又鮮甜，人間極品。特大大元貝，有名你嗌真係好大，成隻手掌心咁大嘅元貝，加左粉絲及蒜蓉一齊蒸，上枱有濃濃的蒜香味，口感彈牙而且好新鮮好鮮甜。紐西蘭蟶子皇，由於都是新鮮食材，所以越簡單嘅方式蒸出來越鮮美，吃落口非常爽口，所有嘅醬汁都不需要店， 都已非常可口。清蒸和牛片，雪花分布均勻，很濃郁的牛味，不需要點醬油，都已很夠味。只食海鮮，覺得唔係太飽，再叫左個點心拼盤，有燒賣、小籠包、蝦餃、潮州粉果，每樣都有兩粒，粒粒都很有份量，有半個手掌心咁大，食咗之後真係飽晒。嘩！原來食蒸鍋，最底部是放左粥的，當在一邊蒸緊海鮮嘅時候，下面的粥就一邊在煲緊，把所有蒸過食物的精華，亦會滲晒落底部，令到啲粥非常鮮甜，本來已很飽了，但都忍唔住食咗兩碗。