囍鍋蒸氣火鍋專門店 (Closed)

上星期見完營養師，都九點，諗住去食裕民牛雜粉面，但佢閂咗啦。因為泊車嘅關係，去咗天文台8號，上OpenRice 睇過呢間係食蒸氣火鍋。入到去同普通舊式海鮮酒樓冇咩分別。可能星期一又夜既關係，無咩人。蒸氣火鍋剩係得一個餐，成五百幾一個人。但價錢差唔多，有螺頭湯、龍蝦、鮑魚等等。個部長叫我哋叫餸食，佢哋出名潮州菜喎！咁就叫咗以下菜式：1. 麻油海蜇(一般，有麻油味)2. 鵝片豆腐片底（鵝片好淋，一啲都唔鞋。同我食開嘅朝滙館差唔多，但係豆腐就比較滑同好食，有豆香）👍3.脆蠔爽(係蔥粒炒蠔仔粒。呢個有驚喜！好香口，好好食😋)4. 自家手打墨魚丸芥菜煲(粒墨魚丸好有墨魚味。如果食過啲好食嘅墨魚丸同好難食嘅，就會分得到咩叫墨魚味,但得4粒! )😏5.潮州粥（佢唔係潮州粥,無一粒粒既飯粒，係一碗普通白粥，但配脆蠔仔粒一流)

朋友約食飯, 以為火煱, 原來係潮州菜. 朋友點的各樣菜, 對於我這個廣東人, 非常新奇. 先是“魚飯” 是凍馬友, 加入白粥味道好合拍. 再來咸雞, 係用新鮮走地雞, 肉質結實, 味道濃郁. 下面這個“灌浆蘿蔔”, 難得尋到這菜式, 外脆内軟, 充满口感. 必食.跟着係“ 鹅肝鹅腸” 鹵水清香, 腸干净又爽脆, 肝是大大片的, 入口即溶 , 好好味. 又是必食菜式. 另外一定要食的是wasabi 醬蘿蔔, wasabi 將呢個普通伴菜带到一個更高層次, 有創意.還有炸虾棗, 川椒雞,糖醋雙面黄, 芥菜, 每樣都做得好出色. 一輪美食後, 還有功夫甜品“反沙芋” , 芋條軟硬適中, 正是錦上添花！

跟同事午餐, 附近既韓國餐, 西餐真係食到好悶, 大家正在苦惱既時候, 其中一位提議去飲茶, 點心可以share食, 呢個建議唔錯, 所以未夠鐘已經叫定同事去攞位開茶.飲茶點心黎不開蝦餃燒賣, 但呢度都有D特式點心, 一於叫黎試下.黃金天鵝賣相好靚, 天鵝身炸得好似, 有D唔捨得食, 不過都係忍心一啖咬開佢.外皮炸得夠脆, 好鬆化, 唔覺油膩, 里面係芋角餡料, 份量適中, 食完唔會太濟.另外仲有豬籠入水, 係豬仔做型既奶黃包, 賣相夠得意.個包好鬆軟, 皮唔會好厚, 奶黃帶點流沙, 唔算好甜, 食一個剛剛好.因為呢間餐廳晚市係做蒸氣鍋, 所以其他點心都係即叫即蒸, 樣樣都熱辣辣, 新鮮出爐特別好食.

今日帶住媽媽飲茶，又想搵間環境ok,價錢合理不太貴的地方，因為一般尖沙咀飲個茶都不平宜，仲要搵間食物質素好味的更加有點難道。呢架我系上網見到，見環境不錯，不似一般酒樓的，入到去乾淨企理，環境都算舒服，又有卡位坐。叫左個灌湯餃，一上枱第一時間試咗啖湯先，味道鮮甜，食完不會滿口味精的感覺，內裏肉餡豐富，不會太鹹，豬肉配上蟹柳，啖啖肉。沙律明蝦角一上枱已經見到不太有利炸得乾爽，咬落口外皮趣口，配上沙律醬，內裏的蝦大大隻，蝦肉爽口彈牙。

發現新一個地方飲茶好去處，呢一座大廈都開咗一段時間，我都係第一次跟朋友上嚟，原本以為係食火鍋的，估唔到原來下晝嘅時候係可以飲茶的，叫咗一個幾特別嘅燒賣，係豬肚燒賣，都係第一次見到有，食落豬潤沒有腥味的，煙煙銀銀，配上結實的豬肉，咬落口不會太鹹，食完一粒會繼續想吃多一粒，一點也沒有肥膩的感覺。雞球大包一上台真係好大嘅一隻，一個竹籠剛剛好一個麵包，麵包皮整得鬆軟，裏面的餡10分足了，雞肉嫩口配上菜絲，喊到適中。

多次光顧都很滿意。午市點心即叫即製、連灌湯餃都有、天鵝芋角味道很好、菠蘿生炒骨水準很高。晚飯潮菜正宗、蒸氣鍋也不錯、是家庭聚餐飲茶的好去處。員工經理招呼親切、而價位都算實惠、讚！

今日同朋友嚟到尖沙咀屋企人飲茶啊，上次因為嚟過呢一間食即係蒸氣火鍋覺得都唔錯，見到佢又有午市可以飲下茶，或者又坐得舒服，地方又寬闊，所以今次就特登嚟試吓午市點心，點知真係冇令我哋失望，叫咗佢哋嘅香酥蜂巢芋角，呢款點心唔係度度都有得食，仲要係即叫即整，所以上枱嘅時候熱辣辣，炸得一點油也沒有，咬落外皮超級無敵鬆脆，好香嘅芋頭味，吃完一個接着一個，一點油膩嘅感覺也沒有。再試左個潮州粉果，外皮煙煙銀銀不會太厚，夾起身粉果皮不會爛掉，內裏花生西芹肉碎配合得很好，不會太鹹，識落10分滋味。

呢邊大廈都比較新，而家成棟都系餐飲服務，唔系朋友帶我黎我都唔知有呢d野食，開頭以為下午食火鍋唔系啊，原來上到去有點心食，就系不得不提佢既炸野食既點心，炸野食點心如果炸定晒或者太油都會搞到成件食物都唔好味，佢既安蝦咸水角，外皮炸得鬆脆可口，咬落一點也不會有油膩的感覺，再加上煙煙銀銀食落餡有蝦米豬肉，所以非常之香口，又不會太咸。潮式芋絲春卷，皮咬落一層層的脆皮感覺，炸得金黃，皮不會沾上油，內裏粉絲一絲絲的，味道不會太鹹

天氣轉冷去打邊爐就最好啦！因為冇book位關係驚冇位，所以就早少少上去食。 6點去到，冇乜客人， 兩人去都比張6人枱，坐得舒服。因為唔太想食辣所以淨係叫左醉雞湯底。會成隻雞另上，湯底較淡，呢方面可以改善下。食物就唔算太多，不過一般想食既都有，海鮮會另外一個鍋蒸，可以保持原有味道，食物質素ok。總括黎講，有現場live band聽，坐得舒服，食物質素還可以，如果7:30前入座，只係$148，7:30後就$198，每人百零蚊絕對超值！

第一次愉快滿意的飲茶，讓我念念不忘，然後就跑來試吃晚餐啦！海鮮非常大隻，很新鮮的，價錢適中實惠，晚餐沒吃點心，花膠燉湯還是一樣的出彩，鮮甜誘人，一口接一口！今天很好運，有九兩大閘蟹吃，牛油蟹也很好吃，大大隻肉蟹雞油炒豆苗時令蔬菜，好吃！聖子王新鮮，一盤有四大隻的下次想試試看清蒸魚啊！今天沒肚子吃其他東西了，吃很飽很滿足的，美食真的很治愈身心啊！

今天中午想飲茶食點心，周圍行行街，看看有什麼好吃的，路過信耶穌得永生，對面大樓裡面都是好吃的店鋪在網上查看了一下飲茶好地方，選擇了這家店試試看，做個白老鼠試食一下小籠包好吃，香港這麼多地方的小籠包，他們家的可以排前五名的，各色懷舊點心，很好吃啊！試了很多款點心，味道好好的各人口味不一樣啦！我認為不錯的東西，別人未必喜歡啊！各花入各眼了晚上的東西也挺不錯的，找個機會來試試看他們家晚餐花膠燉湯太鮮美的，一定要試試看啊！48元一盅

中午去午膳，2个人，見到孖宝，有半隻蒸雞，一碟炒嘢，夠食啦！！叫了野菌云耳蒸鮮雞半只，雪菜肉絲炆米。先來炆米，不算大蝶，每人來了半碗，也算好味，蒸雞來了，很明顯，🐔半只？？，咁可能雞翼，雞腿受傷了，朋友問部長，他最初仍堅稱是半只，我説雞腿只有一舊，怎成腿，他指另一舊説是腿，我説那是雞翼那近身那一節，他拿起那碟説咁取消咯，我問他咁点安排，他竞説計单点錢 (单点雪菜肉絲炆米是$98)，我説我是点孖宝，他竟攞走二碟説取消，朋友有説不欲浪费食物，説算啦！！那部長仍拿走説取消。全程给人感覚態度差！！！部長也算聰明，知道我们不滿分分鐘影相放上網，立即拿走証據！！之後我们叫了义燒飽，芋角，和牛肉班片粥一桶，义燒飽，普通，不算好味，芋角不夠熱，有点油利的惑覚，那桶粥$58, 只2 碗，牛肉班片也没味的，一点也不傢生滚粥，似在白粥放些熟了的牛肉和班片在內!

今晚想食海鮮,如去西貢又好遠,經過尖沙咀天文台道一間囍鍋海鮮專門店, 西貢食的海鮮通常由廚房蒸煮好拿出來，而家係自己一碟一碟放上去蒸, 覺得好特別。用一頂帽子的蒸爐,我可以大顯廚藝, 想食邊樣先由自己話事.用咗南瓜排骨做粥底,蒸完海鮮後就可食到海鮮粥。石斑片 、肥牛、鮮蝦、 鮑魚、龍蝦、生蠔、象拔蚌、等海鮮, 應有盡有。蟲草花蒸雞蒸熟後，入口鮮甜美味.我至愛的石斑魚, 鮮甜嫩滑, 啖啖肉。每人有一隻龍蝦。過年時去「囍」鍋，特別有新年氣氛。

中午同幾位同事看到這間酒樓有手工點心， 那就不妨試一試中午飲茶， 真係唔差。 走進這間 食肆不似一間酒樓 ， 裝修得好中國式 ，夜晚應該做蒸氣火鍋的 枱與枱之間也好闊落， 點心選擇也很多， 全部點心都做得好精緻， 員工服務好好 ，不斷前來收碟。

自去年經同事介紹囍鍋後，囍鍋便成為我的首選。囍鍋雖然坐落於商業大廈內，但空間寬闊，顧客完全不會感到有壓迫感。店內佈置格局有心思，傳統亦不失高雅。除了一般圓枱外，店內亦設有卡座及獨立房間，各適其適。我第一次同家人去囍鍋午膳，一向對食物有要求的媽媽便對此店讚不絕口，尤其是他們的燉湯、點心、蒸氣火鍋等，非常有水準，而且價錢合理。主管級同侍應們親切有禮、服務細心、亦會設法滿足我們的要求。就算是”套餐”，也是物超所值：食物足料之餘，價錢明碼實價 (全包)，不會另收加一服務費。囍鍋真是一間值得推介的”老實”店。