九重鮮 (Closed)

今日去了大坑出名的九重鮮吃晚餐，佢哋做韓式海鮮出名新鮮！今次係七月有優惠送醬油蝦，所以吸引我試一試。我們一行五個人點了四個餐，加一客醬油蟹。他們的海鮮餐有分釜山塔、首爾塔及濟州塔，價錢分別是每人＄328/398/568，兩位起。我們叫了中價的首爾塔，海鮮包括鮑魚、聖子、海蝦、元貝、刀蚌、象拔蚌、北寄貝、大花蛤、沙巴肉蟹、亦有厚賜黑椒牛脷、龍躉、芝士丸、豚肉丸、日本豆腐、南瓜和日本番薯。全部用蒸籠蒸熟，原汁原味，鮮甜無比，海鮮一層層蒸，底層是粥，粥仲可以揀魚湯、豬手湯底及加錢的人蔘雞湯底。食完海鮮每人還有兩碗粥，共叫了兩個湯底，豬手及蔘雞，還是人蔘雞粥最好味，好飽呀。