Video
Read full review
2013-04-27
9 views
去食日式放題，最怕食物質素差，唔夠新鮮，賣相好似餸頭餸尾，就算價錢平都食得唔開心，試咗新開一壽司料理，呢個放題令人喜出望外，平日都係$198，星期五六日及假日就$218，但以食物質素嚟講個價錢係抵食。店內環境：店內都全坐滿人，座位寬敞舒服，大型汽水櫃汽水啤酒任攞任飲，茶亦是自助型式，有3種茶任飲，旁邊係有乳酪機及軟雪糕機，以及先選乳酪toppings差唔多20款，乳酪及軟雪糕都係任食。食物方面當然試唔晒咁多，當中有些味道麻麻地，以下係部份食咗又覺得好食嘅推介：壽司：火炙左口魚邊、火炙黑椒吞拿魚及汁燒三文魚，左口魚邊本身肉質較滑，火炙過後魚肉仍保持口感滑嫩嘅感覺，多添一份魚香嘅味道，特別甘香美味，而吞拿魚加上黑椒火炙，厚厚嘅吞拿魚變得更香味，黑椒嘅點綴令舌拿魚肥美嘅口感溫和了，反而令人更想食多舊，汁燒三文魚壽司味道更勝一般三文魚壽司，配以汁燒，三文魚在半生熟狀態，肉質口感豐富了，亦減了食多了生三文魚會溜嘅感覺。爐端燒：鹽燒牛舌、鹽燒雞軟骨、芝士翠玉瓜、迷你日本甜蕃薯及野蜜汁燒羊架。牛舌燒烤後賣相好似燒到好乾，但食落口先發覺仍然軟身，十分惹味，香口非常，愛牛舌者必要一試。雞軟骨燒得脆卜卜，
店內環境：店內都全坐滿人，座位寬敞舒服，大型汽水櫃汽水啤酒任攞任飲，茶亦是自助型式，有3種茶任飲，旁邊係有乳酪機及軟雪糕機，以及先選乳酪toppings差唔多20款，乳酪及軟雪糕都係任食。
食物方面當然試唔晒咁多，當中有些味道麻麻地，以下係部份食咗又覺得好食嘅推介：壽司：火炙左口魚邊、火炙黑椒吞拿魚及汁燒三文魚，左口魚邊本身肉質較滑，火炙過後魚肉仍保持口感滑嫩嘅感覺，多添一份魚香嘅味道，特別甘香美味，而吞拿魚加上黑椒火炙，厚厚嘅吞拿魚變得更香味，黑椒嘅點綴令舌拿魚肥美嘅口感溫和了，反而令人更想食多舊，汁燒三文魚壽司味道更勝一般三文魚壽司，配以汁燒，三文魚在半生熟狀態，肉質口感豐富了，亦減了食多了生三文魚會溜嘅感覺。
爐端燒：鹽燒牛舌、鹽燒雞軟骨、芝士翠玉瓜、迷你日本甜蕃薯及野蜜汁燒羊架。牛舌燒烤後賣相好似燒到好乾，但食落口先發覺仍然軟身，十分惹味，香口非常，愛牛舌者必要一試。雞軟骨燒得脆卜卜，鹽燒又夠入味，咁嘅燒雞軟骨先至好食。翠玉瓜燒完後仍保持水份及瓜甜味，加上上面嘅芝士燒完後溶溶地，香噴噴嘅芝士味入口美味，兩者配合得天衣無縫。迷你日本甜蕃薯真係好迷你，無見過咁細粒嘅蕃薯，賣相可愛，咁細粒可以連皮食，味道非常甜美，每粒都係粉粉地，軟綿綿嘅口感，好似食糖水咁甜，真係好好食，一大驚喜發現！用蜜汁燒出嚟嘅羊架，肉質嫩口，肉汁豐富，香口惹味，高水準嘅羊架燒，又係值得讚嘅食物。
一品料理推介：蒜香牛柳粒、黑豚生姜燒及牛油燒玉子法蓮草。牛柳粒砌得大細啱啱好，一啖一粒，肉質軟淋，入口鬆化，蒜香味濃，炒得非常香。豚肉炒後仍然肉嫩，一點也不韌，姜汁濃美配豚肉，味道可口。法蓮草係日本菠菜，食落好有質感，雞蛋蛋味十足，濃濃嘅牛油味，令呢碟法蓮草炒蛋香味非常。
沙律推介：手造豆腐沙律蔬菜鮮嫩，新鮮清甜，豆腐豆味香。茶碗蒸推介：雲丹茶碗蒸的雲丹即係海膽，滑滑嘅蒸蛋配以海膽，加添了鮮味，蒸蛋蛋味濃郁，加上海膽令味道更昇華，絕對係味覺嘅享受。
天婦羅推介：海老天婦羅所用嘅蝦好大隻，一咬落口蝦肉彈牙，就知隻蝦夠新鮮，又炸得夠鬆脆，好味有水準嘅天婦羅。
揚物：七味燒雞翼主要係夠入味，雞肉嫩滑取勝，而吉列炸蠔勝在蠔味濃，夠新鮮，炸出嚟就特別好食。
鍋物：和牛免治石鍋炒飯好好食，飯炒得乾身甘香，和牛雖然係免治牛，但牛肉味仍濃，牛味足，欣賞只係個炒飯都做得有heart。
Post
