椰小盅燉湯專門店 (白楊街)

Open Now

Now Closed

Hot soup on a hot day🤣朋友介紹太子有間好好味嘅燉湯，獲米芝蓮2020推介，今日終於有機會去試一試。小店座位不多，但裝修企理，都幾乾淨。原盅連椰殼上，賣相非常討好。蟲草花乾貝土雞燉鮮鮑湯🐥：燉足4小時嘅椰子雞湯， 賣點係平肝固腎提升免疫力，滋潤又補身，岩哂抗疫。蟲草花唔算多，湯夠鮮甜，椰香十足，同埋有原隻飽魚😍不過我對味精好敏感，覺得有落咗少量，其實咁足料嘅老火燉湯，唔落味精更好😅加錢配嘅穀物飯唔錯，用紫薯粒、糙米、黑米、小米等煮成，好有殼物香又健康。月牙煎餃：餃子皮簿餡靚，煎得夠香口又唔油膩，好味😋。呢個係佢嘅點餐紙，有多款不同的燉湯可供選擇。當日夜晚去到，有2款已經賣完。