胡爐 (Closed)

尖沙咀胡爐出名係有質素的火鍋，今次同媽咪來會一會佢，真係又幾正喎。大家睇下我地點左d咩正野⬇️⬇️⬇️❤️ 招牌鮮椰青雞鍋 ～ 打邊爐緊係要叫個靚湯底啦！侍應先將雞件炒香，爆香中途仲加油點火，倒入鮮椰青水，再加雞湯，煲滾後，我地先飲碗兩湯 ，雞湯加了椰青水更加清甜可口，雞件嫩滑。❤️ 風沙椒鹽粟米條 ～ 粟米炸過後加了椒鹽份外惹味。❤️ 胡爐牛拼盤 ～ 拼盤內容豐富有牛舌芯、安格斯手切肥牛、極上手切牛頸脊、牛胸爽和霜降牛粒，輕輕灼熟極上手切牛頸脊送入口，牛味香濃，牛舌芯爽口， 安格斯手切肥牛夠軟腍。❤️ 醉胡爐五寶餃 ～ 五寶有 XO醬鮑魚蝦餃王、黑松露蟹肉餃、手工雲吞、自家製韭菜餃和手工魚皮餃，呢碟滿足哂我貪心嘅要求，因一次過食哂齊店內5款餃唔洗諗。大愛XO醬鮑魚蝦餃王，味道香濃得來蝦又爽仲要有鮑魚粒。❤️ 蔬菜拼盤 ～ 有靚湯底緊要叫d 蔬菜來食下，拼盤岩哂有生菜、菜心和油麥菜。❤️ 紫菜炸響鈴 ～ 手工野，即叫即炸， 忍唔住即食一條香脆可口， 之後點一點湯食又另一番風味。