豊勝手丼 (Moved) New Location

今日放工要食丼，要食好食嘅丼。同事A就搭訕話銅鑼灣有一間豊勝手丼，堅好味，所以就落去睇吓係咪咁堅。環境唔錯，好有和式居酒屋嘅感覺，雖然地方唔係太大，但放心座位唔會太迫。餐牌主要有丼同一啲小食，另外如果想加其他刺身都可以加錢。今日就叫咗個北海蟹丼Set~包括咗有前菜同麵豉湯同丼。前菜有北寄貝沙律，切粒嘅鮮北寄貝加埋沙律醬撈埋一齊食，的確係開胃嘅。北海蟹丼，份量好震撼有松葉蟹嘅蟹鉗同蟹腳，蟹味濃帶少少海水味，另外仲有一堆蟹肉，雪白嘅蟹肉撈飯無得輸，仲有一堆鮮到爆嘅蟹膏。一個丼一種蟹，但有唔同層次同味道。滿足~估唔到連氣水都用日本貨，呢個蘋果味梳打喺日本飲過，飲落唔太甜，我比較鍾意呢種味道，因為係真蘋果味，唔係糖水味。