三河屋 (Closed)

見到好多食評都話呢度鰻魚飯好食，咁arm又路過呢度，決定拉埋男朋友入黎陪我食。鰻魚飯： 好好味 - 魚夠肥，汁夠香甜，飯亦飽滿。平時夜晚唔多食飯都要啃下差不多一碗。麵豉湯: 好好味 - 平時都中意飲麵豉湯， 但呢碗比平時個d更甜，又有好多芽菜，海草，arm哂我！吉列豬扒拉麵： 一般 - 普通貨色， 不過男朋友唔想食鰻魚飯之下嘅決擇，勝在價錢叫做平d囉。環境: 聽男朋友講呢度三十年如一日， 裝修係好殘舊， 貼滿一直無換嘅餐牌，仲有部迷你電視機。坐得唔舒服，要夾住自己，驚整到隔離。服務: 大牌檔式嘅服務…總結: 鰻魚飯之外都係鰻魚飯… 如果有朝一日好想食鰻魚飯都會再黎。