三河屋 (Closed)

紅磡呢間日式小店真係差唔多由細食到大🤪細細個差唔多隔個星期就嚟一次 醉愛忌廉飯😚😚所以今日再嚟都係繼續食忌廉飯🤣吉列薯餅北海道忌廉飯 -$58同以前一樣 忌廉汁多過飯 碟飯大過塊面 真係好鬼抵食🐷薯餅唔乾身 食落仲熱辣辣同脆口🥔個忌廉汁其實都食得出係超市幾廿蚊盒個啲😂但硬係覺得自己整無咁好食😮‍💨入面仲有幾舊紅蘿蔔薯仔🙈但係真係有啲漏所以食唔哂😮‍💨女仔食應該叫少飯就啱啱好喇吉列豬扒北海道忌廉飯 -$58除左塊豬扒其他同薯餅個碟一樣架喇 但係塊豬扒好似粉多過肉🙈但係好彩仲熱嘅 不過呢個價 真係差唔多啦😗((都係中意薯餅多啲🤭關東煮 -$50 關東煮係另一樣必嗌嘅野🙈$50就會有齊哂蘿蔔 獅子狗 芋絲 仲有2舊唔知咩😂以前有得散叫 唔清楚宜家仲有無👀 反正最中意佢蘿蔔 因為好入味🤤仲要無渣!!!食親都無渣 想知邊到搵到啲咁靚嘅蘿蔔😣整體嚟講 抵食夾大件🤤都算係糧尾救星

話說尋晚我哋三個女仔落黎紅磡聚餐因為某人想食日本野所以就揀咗三河屋環境有啲舊不過都算乾淨🌈好快就有位坐仲要坐正電視機下面送飯😎我地頭輪叫左小丸子同關東煮蘿蔔好入味🍢食完頭輪我地再叫主菜😼本人推介鰻魚飯同太子貝拉面🍜雖然以前都有食過不過而家多咗雞蛋絲🍳甜甜地幾好味😋太子貝有少少咸🦪不過配埋拉麵一齊食十分滿意🤗不過最唔開心既當我哋食緊頭輪時😩我朋友聽到廚房入面個阿姐👵話我地三個人食咁少野100蚊都無💲雖然比着我唔知我哋分兩輪叫都會咁講😏但係你明知我哋坐正個出餐位😅係咪特登想比說話我哋聽呢🤔️攪到我特登開個acc黎講番呢件事😡雖然有啲嬲不過下次都會再黎既💃

喺紅磡探朋友，又未食嘢，諗住買外賣去佢屋企食。經開見到呢間睇落去歷史好悠久嘅日本小店，見到出面Menu價錢都尚算可以。我叫咗個滑蛋豬扒飯，$58，送埋麵豉湯。我喺餐廳入邊等，發覺真係經歷歲月，衛生情況一般，枱櫈都好似癡粒粒咁🙈仲見到有小強爬過😰所以我認為衛生情況有待改善。食物賣相都幾吸引，同埋份量都幾大兜，味道都算唔錯啦，正正常常。不過輕力搞一搞，發覺全部豬扒嘅皮同肉都會分開晒🙈總體而言，我個人就未必會堂食，因為衛生情況一般。如果外賣都可以考慮。

係由大專食到宜家都食咗大約六年水準仲係度每次去都係叫鰻魚飯加個鍋個鰻魚汁好濃好甜 食極都唔會厭另外鍋通常係叫牛肉鍋好多配料唔夠可以叫埋小食個人推介叫三文魚骨同刺身

話說我叫左外賣啦咁我一個人食叫左一個薯餅忌廉飯＋魷魚鬚個飯就正正常常 薯餅都合理有2舊仲好好咁每舊切開一半 易食d 忌廉汁就如無意外罐頭 所以都無特別咁我諗住開埋個魷魚鬚果陣成個盒都係油 多到可以係條邊到漏出黎😑我已經O左咀，再望清楚原來得5粒咁我都知叫平台外賣係貴d 咁我去睇反堂食幾錢啦都要三十幾四十😨如果係d高級餐廳我明ge但依間唔係平民餐廳咩簡單黎講 試過一次就算🤦🏻‍♀️p.s 我up左幾次都up唔到相🤦🏻‍♀️

在food panda見有promo，試下啦⋯⋯叫咗炭燒雞扒飯、日式漢堡扒飯、滑蛋豬扒飯，同埋一碗關東煮。埋單$170.5，幾OK。飯類都OK，啲米本身幾靚。滑蛋豬扒來到變晒熟蛋，不過又唔怪得佢地，始終外賣會走樣，可以理解嘅⋯⋯關東煮都幾足料，大根勁入味，有兩條魚蛋卷類物體幾爽，三角形的魚蛋勁淋（但我估本身如此），仲有芋絲同埋蒟蒻係爽口彈牙咁。本身離我家有少少遠，food panda計我$49運費，有promo先會再試！

同男朋友夜晚食宵夜，發現呢間日式小舖。價格幾平，仲有關東煮🍢，特來嘗試。我地嗌左一set關東煮，一碗饺子拉面。關東煮送黃芥末，好正宗既日式食法，不過湯味道淡左啲，野食唔係咁入味。我鍾意餃子拉麵裡的餃子！！好似係豬肉青蔥餡，外皮炸過脆脆。兩人埋單100蚊有找，平平既宵夜餐

鰻魚飯送味噌湯（$88）諗起鰻魚一定第一時間諗起呢間，唔係第一次食，次次鰻魚質素都有保證，鐘意呢到既鰻魚條條都好肥美，亦好厚身，咬落去好juicy。飯係用珍珠米，唔會好濕，有好足夠既鰻魚汁撈飯，唔會好甜，好惹味！無論鰻魚或者飯，份量十足，性價比高！海老蝦天婦羅（$48）即叫即炸，仲熱辣辣，睇到吸油紙無咩油，佢冇落好多炸粉，炸得外脆內軟，金黃色，d蝦好彈牙，整體口感好好！燒明太子雞翼（$48）幾特別既組合，咬落去啖啖肉，不過本身雞翼都已經落左d調味，連帶明太子一齊食，咸左少少，最好配個飯或者麵先食。因為已經係老店，舖頭嘅裝修同枱凳比較殘舊，但絕對可以接受，反而更鍾意佢呢啲似舊式日本風味小店，會繼續幫襯

行開紅磡諗唔到食乜梗係食返啲食開嘅嘢～三河屋係平價之選，性價比算高！吉列薯餅北海道忌廉飯 $58熱愛食炸物嘅我每次黎都會叫呢個飯，薯餅炸得好香脆，加埋忌廉汁食，食落又唔會覺得好熱氣，忌廉汁入面加咗薯仔紅蘿蔔同粟米，口感就豐富啲～不過個忌廉汁應該係罐頭湯，不過價錢咁平又大大碟就唔挑剔

紅磡橫街小巷有間家庭式懷舊日本料理從店內懷舊裝潢睇得出此店已有多年歷史牆身貼滿陳舊紙印既餐牌有種日本傳統橫巷小店既感覺 就試下出名既原條鰻魚飯配麵豉湯$100內有個原條鰻魚飯都幾抵食平時去超級市場買一條都要哩個價錢肥美鰻魚 邊邊燒到脆脆地 甜甜鰻魚飯撈飯一流啖啖肉，食落唔腥又冇雪藏味而個飯係用左珍珠米，濕度剛好 滑蛋豬排飯脆脆吉列炸粉包住厚厚豬扒，豬扒有少少鞋滑蛋中有洋蔥，味道一般鰻魚飯係幾抵食 ，但環境一般

一入到去間店舖，發現裡面既裝潢風格都偏向懷舊傳統，實為罕見！一坐低就嗌左幾款美食炭燒雞扒飯呢碗雞扒飯既味道相當不錯！雞扒雖然唔大塊，但雞扒嫰滑且味道濃郁，飯粒軟硬度適中，配合甜甜的醬汁，相當不錯炸帶子拉麵碗拉麵既味道亦不錯，麵條彈牙，帶子外脆內軟三文魚刺身三文魚刺身亦相當不錯，新鮮！厚度亦十分夠，真係啖啖肉！帆立貝刺身帆立貝刺身亦很出色，同三文魚刺身一樣，新鮮最後埋單＄200百度埋單，計返每人都係一百蚊度！值得再次黎食

同屋企人食過幾次，幾鍾意佢嘅關東煮，因為我好鍾意食芋絲同埋蘿蔔，媽咪叫咗一個牛肉鍋，用料都幾豐富，好多片牛肉，爹哋叫咗一個三文魚刺身，但唔算非常新鮮呢樣就有點失望。

黎到紅磡，突然之間覺得好肚餓搵到一間平民小店，原來係好似日本或者韓國嘅居酒屋🏮。入邊環境相當樸素同普通但有好強烈嘅親切感分量雖然唔係好多但係足夠飽肚，燒雞扒多汁美味，仲有震震嘅碳香味。白飯唔係普通嘅白飯係有少少醋味嘅壽司飯如果鍾意食壽司飯嘅朋友不妨嚟呢間鋪頭試一試白汁忌廉吉列豬扒飯賣相就相當吸引，但係個豬扒就新鮮炸出嚟忌廉就係罐頭忌廉但係勝在份量十足。吸引我入去食嘢嘅原因，係睇到呢一張殘舊嘅餐牌，感覺上好似成為咗鋪頭嘅裝飾特色之一，表面上估你間餐廳都有好耐歷史🔥

無論係住紅磡嘅朋友仔，又或者讀poly嘅同學都應該對呢間小店唔陌生，皆因佢嘅嘢食真係抵食同好好食。無論黃埔或紅磡站行過來都係10分鐘左右。小店的外貌並不起眼，但係入面嘅嘢食食完係的確有想encore嘅衝動。今次我叫咗一個鰻魚飯（$88）同一個紅豆卷($28) 嘅甜品。鰻魚真係超大條，好入味，個汁送飯一流，我每次嚟都會係食呢個。不過如果個汁嘅份量再多啲會更好。而個甜品份量雖然係少咗啲，但睇得出係自家製，都算幾好味。

放lunch見到呢間小店好多人食，好似幾出名，所以就去試下！燒黑豚肉丼飯豬肉係切一塊塊薄片去燒，上面加左燒汁，份量算多。食落去佢既邊位燒得好香脆，肉質幾淋，外脆內軟既質感無得彈！個燒汁唔會太鹹，整體黎講都幾惹味！不過有啲位燒得太燶我就唔敢食🤣🤣飯就日本珍珠米，有咬口，粒粒飯都吸左豬肉既肉汁，好夾好好味！🤪佢另外配左一碗麵豉湯，有小小昆布，小小鹹，不過不失！$58食到呢個飯真係抵食！仲要正宗日本人廚師煮既，十分推薦！👍🏻