三川居酒屋 (Closed)

最近都係去銅鑼灣覓食，近近地，餐廳多，有好多選擇，今日揀左食日本野，係銅鑼灣廣場一期隔離，行落下一層就係三川，成日都會經過，但第一次食，去到好多人等位，大概等左15個分鐘，都好快。見到好多人叫日式牛肉鍋 $148，我又試下，雖然唔算好平，但牛肉唔係普通肥牛，食落有根厚身，有牛肉香味。鍋裡面仲有一隻生蛋、菜、豆腐、粉絲，個湯甜甜地配埋個飯，都好飽。火炙帶子壽司 $42，帶子好新鮮，好甜，好味！鳥手羽燒 $45，呢個雞翼都好好味，雞翼切開左一半黎燒，塊雞皮超脆，好香口，仲有肉汁不會太乾，加了鹽，但不會太咸，好喜歡。