Video
Read full review
2020-02-23
88 views
雖然都已經過咗立春， 但係天氣乍暖還寒， 都仍然會想食返一煲熱辣辣的煲仔飯 暖一暖身。 講真，煲仔飯同手工點心就自己一定煮唔到， 倒不如 就出街食 , 一石三雕， 食煲仔飯之餘， 飲返杯茶 ，又嘆番一盅兩件。 今次就去咗位於荃灣如心廣場的點一龍， 餐廳門面光鮮， 坐得舒服， 食客與食客坐位之間夠寬闊。 最近仲做緊優惠， 特別 因應時勢而推出的抗咽喉炎湯水買一送一 ，平日主菜買二送一， 點心買三送一， 就趁此機會食返餐特色手工點心。先講抗咽喉炎湯水-- 馬蹄甘筍龍利葉 海底椰燉豬展 龍脷葉性質溫和，味道甘淡，有助清肺，化痰治肺熱咳嗽，而海底椰則清燥熱、止咳、滋陰補腎、潤肺養顏、強壯身體機能。整碗燉湯入口味道清甜，飲過後喉嚨舒服，減少左 剛剛地的感覺。 餐廳煲仔飯多種選擇， 豬肉、 雞肉、臘腸 都可以揀， 梗有一款合心水。今次就叫了鳳爪排骨煲仔飯與及 鴛鴦腸蛋黃煲仔飯。 鳳爪排骨煲仔飯88煲仔飯送上枱後 ， 店員會先將一半是由到落飯 ， 然後再蓋蓋焗一焗 。最欣賞係煲仔飯與菜心分開上 ， 唔會怕菜心焗到黃一黃 。煲仔飯米飯金香， 口感適中， 飯焦也算均勻 。 排骨多， 也非常夠味，
雖然都已經過咗立春， 但係天氣乍暖還寒， 都仍然會想食返一煲熱辣辣的煲仔飯 暖一暖身。 講真，煲仔飯同手工點心就自己一定煮唔到， 倒不如 就出街食 , 一石三雕， 食煲仔飯之餘， 飲返杯茶 ，又嘆番一盅兩件。
今次就去咗位於荃灣如心廣場的點一龍， 餐廳門面光鮮， 坐得舒服， 食客與食客坐位之間夠寬闊。 最近仲做緊優惠， 特別 因應時勢而推出的抗咽喉炎湯水買一送一 ，平日主菜買二送一， 點心買三送一， 就趁此機會食返餐特色手工點心。
先講抗咽喉炎湯水-- 馬蹄甘筍龍利葉 海底椰燉豬展
龍脷葉性質溫和，味道甘淡，有助清肺，化痰治肺熱咳嗽，而海底椰則清燥熱、止咳、滋陰補腎、潤肺養顏、強壯身體機能。整碗燉湯入口味道清甜，飲過後喉嚨舒服，減少左 剛剛地的感覺。
餐廳煲仔飯多種選擇， 豬肉、 雞肉、臘腸 都可以揀， 梗有一款合心水。
今次就叫了鳳爪排骨煲仔飯與及 鴛鴦腸蛋黃煲仔飯。
鳳爪排骨煲仔飯88
煲仔飯送上枱後 ， 店員會先將一半是由到落飯 ， 然後再蓋蓋焗一焗 。最欣賞係煲仔飯與菜心分開上 ， 唔會怕菜心焗到黃一黃 。煲仔飯米飯金香， 口感適中， 飯焦也算均勻 。 排骨多， 也非常夠味， 豉油有鮮味， 排骨加上豉油再攪拌米飯， 配合天衣無縫。
另外一煲鴛鴦腸蛋黃飯， 臘腸味道香濃， 米飯帶有臘腸香和油香， 臘味本身的油份滲入底下粒粒分明的米飯， 香味四溢， 層次豐富， 非常惹味 。
龍蝦湯三皇餃55
此特色點心 是中西合璧fusion 菜的極致，大白蝦、龍蝦肉和花蟹肉做成餡，浸著鮮香龍蝦湯，啖啖都是濃濃海鮮味，配上彈牙的內餡，好食！
翠翡石班蒸餃55
又係另一件fusion點心， 餃皮 以菜苗汁製作所以呈綠色， 配以彈牙的蝦餃。 而餃上的石斑肉切得厚， 入口嫩滑鮮甜蒸得剛剛好。
脆網皮海皇腸粉59
網紋春捲以腸粉皮包著，成為另一款fusion菜。由於網紋春捲即叫即炸， 故此春捲仍然 是脆卜卜， 不會被腸粉皮整淋。 春捲包著一隻隻的爽口蝦肉， 整道菜口感非常豐富。好食。
杞子鮮蝦燒賣39
餡料滿載著鮮蝦和豬肉，爽彈鮮甜。
黑蟹子小籠包39
雖然小籠包比平常吃開的較為細隻 ，但外皮摺紋清晰， 而且搓得薄， 一口一隻， 豬肉汁在口內爆發， 鮮味更上一層樓。
排爐叉燒包33
一咬就知道冇叫錯， 叉燒包半肥瘦， 調味不錯。
總括嚟講， 點一龍店員服務到位， 餐廳環境坐得舒適。 趁有優惠， 的確要再來吃多幾次。
Post
