鴨子園 (Closed)

甘岩返工經過呢頭，見到鋪名覺得吸引先入去，裝修花過心思，地方夠大，坐得舒服。🍴黃金四季豆 $ 65絕無失手既一道餸，伴飯一流，但偏油，似係將四季豆炸完再用咸蛋黃炒成。🐖生煎包（3隻）$ 36 平時食開既生煎包，尖端都會灑上黑芝麻，呢個用蔥花、少量白芝麻代替，底層前得夠脆，面層似食緊蒸包，包皮較甜，豬肉餡尚算新鮮，似食緊菜肉包，平均$12隻一d都唔抵食。🐂鴨子園牛肉麵 $ 58 一上菜聞到好勁既紅燒肉味，湯底偏甜似味精湯，牛肉幾好食，但都係偏甜，麵較硬身，麻麻地唔太喜歡。🐔山楂鳳梨咕嚕雞 $ 73肉幾大舊，外脆內嫩，比起豬我更喜歡食雞既咕嚕肉，最鐘意食旁邊既山楂，酸酸甜甜夠哂開胃。天水圍黎講價錢唔算抵，勝在服務員有禮貌，味道不過不失。