彩興來來火鍋 (Closed)

呢幾日天氣凍凍地同朋友嚟咗呢間火鍋店打邊爐。一坐低就有九宮格比我地點醬。個鍋係凹落個枱度，方便夾嘢食。火鍋配料好足，亦有特色鍋底揀。叫咗個招牌家鄉鴨煲（例），店員會先落蒜頭炒炒爆香，再加鴨等材料同少少水，鴨又滑又濃味，好暖胃補身，枝竹吸咗鴨湯精華好味道。等我地食完鴨煲就可以再加湯打邊爐。日本黑豚五花腩，嫩薄肥美好快熟。鯇魚片，賣相吸引，厚薄均勻，夠曬鮮甜。打邊爐唔少得嘅響玲，同平時食嘅有啲唔同，比較脆口。蟹籽墨魚滑，爽滑彈牙。最後落埋出前一丁，索曬啲湯汁正呀！一渣薏米桔子水，清涼又清熱。兩人夾埋670蚊，食到好飽好滿足！