味真越 (Changed Hand) New Restaurant

鴨脷洲呢個地方對我一Ｄ都唔陌生，畢竟曾經係度長大過，但對唔係南區長大既人黎講，鴨脷洲似乎係一個遙不可及既「小島」，所以地鐵方便左街外人黎呢個小漁港。冇去一排，鴨脷洲又多左間新餐廳，開正係林醫生診所既附近。鋪頭細細，座位不多，勝在夠光猛利落。 生牛肉湯粉($48) 影完相就迅速將薄薄既生牛放入湯度浸一浸，浸10幾秒就可以食，牛肉份量幾多，嫩滑又大片，再加上好幾舊軟腍既牛腩，湯底牛肉味濃，不過愈食就愈咸，未食過正宗越南河既我，有一刻覺得自己似食緊港式牛腩河多D～ 香茅豬扒湯粉($48) 比起生牛肉湯粉，呢個湯底清少少，冇咁油，又多左陣香茅香，豬扒就非常腍！ 酸辣無骨鳳爪($38) 佢既辣度好岩我同表妹食，因為基本上真係冇咩辣味，酸味好足，食起上黎好方便。 越式炸蝦餅($48) 蝦餅外屠炸得酥脆，肉質則不是太彈牙，比較香軟，蝦味如濃些便更好！ 青木瓜豬頸肉沙律($48) 豬頸肉調味剛好，外層烘過，豬香味濃，青木瓜爽脆，份量多，兩種口感截然不同，不錯的。 青檸梳打($22)、檸檬梳打($22) 兩杯飲品同樣同左泰象梳打水，可以自己調配梳打水既份量。 青檸個一杯酸左d，除左用新鮮既青檸，應