Pinot Duck (Closed)

落咗幾日大雨，無乜心機，所以特登嚟赤柱散吓心，順便食吓嘢。 網上見到呢間鋪頭專食片皮鴨，即刻勁開心，即book。鋪頭裝潢想營造中國特色，木櫈無cushion，坐得耐會唔舒服。餐碟都有用心去製，幾靚。店內有賣本地手工啤酒，個人幾鍾意呢款《美猴王》，有陣焦糖味，幾易入口。沖茶俾客人嘅水壺，超有份量。有小朋友嘅關係，叫咗個鴨肉卡邦尼意粉，唔膩，不過要快啲食，因為等咗一陣就出好多油啦。當然唔少得主角片皮鴨，個人認為似片肉鴨，有點失望。麵粉皮未凍之前已經好煙un ……失望x2。總結係……如果我嚟係為咗食片皮鴨，我唔會再返轉頭。