新寧餐廳 (Moved) New Location

已經唔係第一次幫襯, D牛扒及餐湯好有水準. 上星期五, 老公放遲了一點, 我肚餓食咗碗麵先, 老公返來話想食新寧餐廳, 心唸都好, 好耐無食, 都有D掛住D西湯. 去到餐廳, 差唔多9點半, 都要等一陣位, 打開餐牌, 因為已經食咗嘢先, 唔想食SET, 又見到有一款鵝肝凱撒沙律, 鵝肝同凱撒沙律是我至愛, 可以兩樣一齊食到, 淨是唸已經興奮, 價錢一D都唔平, 要$138, 同係餐廳食一個full set dinner 一樣........... 但一上菜, 得罪講, 真是見到都唔開胃,完全唔係凱撒沙律, 連普通沙律都稱唔上, 只是一堆椰菜墊底, 上面放咗3塊非常唔似鵝肝嘅鵝肝, 好難想像一間歷史咁悠久的西餐廳會唔識整凱撒沙律, 就算真是唔識, 未唔好放入餐牌LAW 仲有D鵝肝完全無鵝肝味, 似豬肝多D, 咁難食俾3塊都無用 !!! 我可以用非常失望, 不知所謂來形容呢味菜 !!!