滿屋日本料理 (大鴻輝(荃灣)中心) (Closed)

荃灣大鴻輝是香港數一數二的放題集大廈，如果星期五六日晚上去食嘢，等𨋢嘅人龍仿如排機動遊戲一樣。今日下午突然想來個日式放題，又見電梯唔洗排隊便把心一橫來過快閃放題。作為拖羅fans的我，見到滿屋其中一個餐可以大拖任食，二話不說就呢間啦！先講環境，地方寬敞，好多卡位。自助食物區選擇正常，飲品卻非常多。最愛的冷泡茶減少放題的罪惡感，正！食物方面，好多選擇，大拖非常新鮮，魚油味好濃。蟹腳出奇地鮮甜。海膽任食，超開心。熟食方面推介羊扒、牛舌及雞翼,燒得非常香嫩。超級重點項目 - 煎鵝肝！外脆內軟剛剛好！值得一提的是，呢間餐廳調味方面廚師應該刻意想突顯食物原材料的味道，非常適合著重鹽份攝取量的客人，抵消食放題的邪惡！非常推介！樣樣食物都好新鮮，服務非常貼心！一定會再來！