Video
Read full review
2016-07-28
1036 views
話說上星期食咗呢間餐廳嘅土瓜灣分店，覺得幾好食，費事諗食啲乜嘢，今日就同男朋友去咗佢哋嘅太子分店，一入到去就見到同一個經理喺度，都幾辛苦個喎，一個人要兩邊走。呢度地方細少少，裝修都大致係一樣，用咗磚牆再搭啲好vintage嘅裝飾，晏啲啲仲有地方要去，所以我哋叫咗少少嘢食，都算上得好快。餐牌同土瓜灣嗰邊一樣，但係就冇咗個set dinner，係呢個爭左啲。鵝肝金莎，85%黑朱古力$58今次當然食啲未食過架啦，其實呢款菜我上次已經想食，但係媽咪唔食得鵝，佢皮膚敏感，唯有今次先試吓啦。係昏暗嘅燈光下，都睇到係面頭嗰層真係金色嘅，質感似白兔糖外面嗰層食得嘅紙，香檳金色，睇起上嚟好高貴。但係切落去嘅時候有啲難，我有一下差啲飛咗一半落街，嚇死我。中間嘅鵝肝比較凍，比坊間食到嘅味道會淡一d，口感冇咁肥膩，朱古力味道帶甘，令個菜嘅感覺較為清新，我自己覺得似甜品多過似前菜，感覺好特別。西班牙式炸薯粒配溫泉蛋，蕃茄香淑汁$65普通炸薯粒就食得多，呢一款我最欣賞係佢果汁，用咗番茄蒜蓉同蛋黃醬，酸酸甜甜得來帶啲辛辣味，帶成個炸薯粒嘅味道，令到炸薯粒食落感覺冇咁口渴，而且個醬汁好少見，好特別。西班牙脆皮豬腩肉$
呢度地方細少少，裝修都大致係一樣，用咗磚牆再搭啲好vintage嘅裝飾，晏啲啲仲有地方要去，所以我哋叫咗少少嘢食，都算上得好快。
餐牌同土瓜灣嗰邊一樣，但係就冇咗個set dinner，係呢個爭左啲。
鵝肝金莎，85%黑朱古力$58
今次當然食啲未食過架啦，其實呢款菜我上次已經想食，但係媽咪唔食得鵝，佢皮膚敏感，唯有今次先試吓啦。係昏暗嘅燈光下，都睇到係面頭嗰層真係金色嘅，質感似白兔糖外面嗰層食得嘅紙，香檳金色，睇起上嚟好高貴。但係切落去嘅時候有啲難，我有一下差啲飛咗一半落街，嚇死我。中間嘅鵝肝比較凍，比坊間食到嘅味道會淡一d，口感冇咁肥膩，朱古力味道帶甘，令個菜嘅感覺較為清新，我自己覺得似甜品多過似前菜，感覺好特別。西班牙式炸薯粒配溫泉蛋，蕃茄香淑汁$65
普通炸薯粒就食得多，呢一款我最欣賞係佢果汁，用咗番茄蒜蓉同蛋黃醬，酸酸甜甜得來帶啲辛辣味，帶成個炸薯粒嘅味道，令到炸薯粒食落感覺冇咁口渴，而且個醬汁好少見，好特別。西班牙脆皮豬腩肉$128
用慢煮效果嘅豬腩肉比想像中更多一點水份，因為我怕肥嘅關係，特登麻煩侍應同廚師講可唔可以揀啲瘦少少嘅豬腩肉，豬腩肉一層瘦一層肥，令你食落肥嘅感覺未算好大舊，而且仲配上咗Apple西打醬汁，蘋果酸嘅味道同酒精成份中和返個肥膩感。西班牙煙肉車厘茄手捲通粉$135
咁多個餸裏面最清新係呢一碟pasta，手卷長通粉口感煙韌有咬口，厚度適中，唔會一pat粉咁，無加到粉既車厘茄醬既酸甜帶出清新既感覺，同之前幾道菜形成對比。兩個人食咗四百零蚊，上菜上得好快，前前後後都唔使一個鐘食一餐飯，係西餐裏面出人意表嘅上菜速度。
Post
