日日香鵝肉飯店 (淘大商場2期)

Open Now

Now Closed

自己呢排都幾鍾意嚟呢度食飯，因為佢嘅滷味、鵝肉真係幾好食；我哋午餐例牌都會叫豬手飯，同埋特選滷味飯。60幾蚊，包埋飲品，午餐來講算係幾唔錯。餐廳亦都特別強調嘅滷水鵝係最招牌。每一碗豬手飯，都會有除咗豬手，亦會有滷水蛋、豆腐卜、同埋酸菜，豬肉切得圓轆轆，味道亦都醃得幾香。飯亦都好大碗。午市套餐加$9，可以飲到呢一個鵝骨湯，我覺得餐廳都幾聰明，識得將鵝骨發揮係一個更加好嘅用途。鵝骨湯唔鹹，少清香。朋友叫咗呢個特色滷味飯，特別鍾意係佢嘅豬大腸，多膏好食，碗飯熱都幾大碗，再加埋佢啲豬腩肉，係幾唔錯。