Video
Read full review
2019-07-11
2668 views
其實，本身雖然都有睇開啲飲食雜誌，不時見到好多新店開張，但就甚少因為報導而去光顧，一來雜誌寫得出嚟就一定喺讚好，二來怕好多人一鍋蜂走去貪新鮮，怕怕哋為食一餐而戇排。「金鶴拉麵」喺之前去開「大館」而發現，再上網睇睇，原來已開到第4家，風評亦不俗，所以，值搏率高，加上收工行過嚟都好方便。餐廳位處荷里活道之上，屬旺中帶靜嘅地段。雖然只喺拉麵店，但走進裡面，裝修絕對甚有高級日本餐廳嘅感覺，柔和嘅燈光，舒適嘅空間，左邊有一幅金碧輝煌嘅金鶴圖（註：因客多唔好意思走埋去影），令整體感覺更高檔。主餐牌印刷精美，黑底襯上食物圖片，夠格調，而主餐牌主要介紹店家主打嘅拉麵、鰻魚飯及招牌小食。其次，亦有幾張散裝餐牌，介紹新出嘅「極濃白雞湯拉麵」、多款餐前 / 佐酒小食，以及不同嘅飲品。日本明太子雞翼 $48食拉麵，配餃子，都唔喺必然嘅，今次見有一道小食明太子釀雞翼，比起餃子相對大興趣好多。一客兩隻，雞翼燒得金黃焦香，撐到漲卜卜，一口咬落去，裡面勁多明太子，令雞翼鹹香帶微辣，更覺惹味，而雞肉亦嫩滑可口。金鶴雞白湯拉麵 $98呢度以雞湯為主打賣點，而呢一道「雞白湯拉麵」喺店家嘅招牌，一客拉麵有日本赤雞雞肉、黑豚叉
餐廳位處荷里活道之上，屬旺中帶靜嘅地段。雖然只喺拉麵店，但走進裡面，裝修絕對甚有高級日本餐廳嘅感覺，柔和嘅燈光，舒適嘅空間，左邊有一幅金碧輝煌嘅金鶴圖（註：因客多唔好意思走埋去影），令整體感覺更高檔。
主餐牌印刷精美，黑底襯上食物圖片，夠格調，而主餐牌主要介紹店家主打嘅拉麵、鰻魚飯及招牌小食。
其次，亦有幾張散裝餐牌，介紹新出嘅「極濃白雞湯拉麵」、多款餐前 / 佐酒小食，以及不同嘅飲品。
日本明太子雞翼 $48食拉麵，配餃子，都唔喺必然嘅，今次見有一道小食明太子釀雞翼，比起餃子相對大興趣好多。一客兩隻，雞翼燒得金黃焦香，撐到漲卜卜，一口咬落去，裡面勁多明太子，令雞翼鹹香帶微辣，更覺惹味，而雞肉亦嫩滑可口。
日本明太子雞翼
$48
4 views
0 likes
0 comments
呢度以雞湯為主打賣點，而呢一道「雞白湯拉麵」喺店家嘅招牌，一客拉麵有日本赤雞雞肉、黑豚叉燒、溏心蛋、炸牛蒡片、筍乾、木耳絲，可以講喺材料豐富。由於喺朋友所點嘅，小弟只喺試咗個湯及炸牛蒡片，前者綿滑濃香，一點油膩感都無，很有驚喜，而後者口感十分脆，又不失牛蒡嘅獨有氣味。
金鶴雞白湯拉麵
$98
4 views
0 likes
0 comments
小弟都喺鍾情黑蒜多少少，所以，揀咗呢一道「黑蒜醬油拉麵」，當送到上枱，店長好細心介紹碗麵嘅特色同有咩食材，而嗰陣蒜香一湧而上。同樣，配菜包括赤雞雞肉、黑豚叉燒、溏心蛋、筍乾及木耳絲，而炸牛蒡片換成紫菜，總之都喺擺得滿滿一大碗。
先呷啖湯，真喺充滿黑蒜香味，再試試麵條，有韌勁，又唔易腍，食到尾都仲咁有咬口，而且，份量喺睇唔出咁多。
兩大片雞肉，都喺低溫慢煮嘅日本赤雞，老套嘅一句，真喺好有雞味，而且，口感亦頗嫩滑；黑豚亦唔差，鬆化而好有油香，喺嫌佢薄咗啲。
至於隻溏心蛋，唔使我多描述，睇樣就知做得上乘，蛋黃半凝，又充滿蛋香，其他配料亦都好食。
總括而言，兩款拉麵都好有水準，味道好唔同，卻好有特色，加上服務到位，環境又舒服，怪不之得，開完一間又一間分店。
Post
