泰亞萊海南雞專門店 (Closed)

之前食過海南雞好食，今次特登試其他，試「泰式酸辣肉碎飯」，點知就中伏了😣打開個飯盒：個飯係熱的，但個肉碎係凍的🥶係冷盤個隻凍，飯同餸係兩種唔同溫度，有冰火的感覺，咁唯有自己叮返熱嚟食。個肉碎放入口，個魚露味咸到要即刻飲半杯水沖淡先得🤮，撈飯食都只可以少少肉碎大大啖飯先唔咸。估唔到海南雞出色，但「泰式酸辣肉碎飯」會係咁差。建議：如果「泰式酸辣肉碎飯」真係凍食的，係menu度加返「凍食」比客人知。