榮記粉麵

Open Now

Now Closed

講起銅鑼灣車仔麵，應該會即時諗起榮記，長期都有條人龍係門外，好在都排得好快，通常十五分鐘內都可以埋位坐低。黎呢度食野唔可以坐得好舒服慢慢嘆，因為實在太逼喇！同隔離嘅人坐得好密，想搵多張櫈放下袋同外套都有啲困難！又平又大碗又多唔同種類嘅餸可以揀。每次都會必食雞翼尖同墨魚頭，呢度啲豬紅就普通左少少，而水餃同魚吞都幾好味，雖然細粒左啲，但味道唔錯！可以一試！記住一定要加辣，加少少都可以令成個麵更香更惹味！麵底就每次都食米粉，不過有時就太碎喇！好難夾黎食。