Video
Read full review
2017-02-04
877 views
荃灣又有新拉麵店啦，立即約朋友去食，聞說個伊勢海老豚骨湯好正，但我對雞白湯更有興趣，最後我同朋友一人一款，就可以食到兩個味，兩款都難分誰勝誰負，我偏愛雞白湯，友人則愛海老豚骨。睇完餐牌既圖已經被小食吸引到，所以點埋小食，填好點餐紙交俾店員就得。等食時就發現有幾款調味料，多是餃子醬汁，但有樣好玩又好食的玩意。就係即磨芝士，同吉豬店玩法一樣，自己芝麻自己磨，用木棒慢慢打圈就磨到超香芝麻碎，加入拉麵湯底變得更香。另外仲有即壓生蒜泥，也是有得玩有得食，男仕力的表現攞分位，蒜泥配友人的海老豚骨湯底好夾好正。店長溫馨提示，有微微辣的醃青瓜，不論作為前菜定配拉麵，我都覺得很爽脆很刺激，令人食慾大增。原本以為只有靜岡抹茶可樂$28，原來仲有櫻花可樂$28。抹茶可樂以前都飲過，抹茶味不算重，微甜多氣可樂，飲完順唒既爽感。但櫻花可樂就未飲過，超級極度靚的粉紅色，女生必點的迷人感，情人節要呢支就夠啦。味道都是微微甜帶氣可樂，但多份香味。炙燒牛肉沙律 $38，大大碟的菜量頗多。有爽脆的生菜，加上輕輕燒過的牛肉好油香嫩滑，入口即溶，醬汁是微辛的芥末與酸酸甜甜的黑醋汁，特別用兩款醬汁，加入日式調味元素，味道豐富又
睇完餐牌既圖已經被小食吸引到，所以點埋小食，填好點餐紙交俾店員就得。
各款調味料
21 views
0 likes
0 comments
即磨芝麻
20 views
0 likes
0 comments
即壓生蒜泥
11 views
0 likes
0 comments
前菜醃辣青瓜
18 views
0 likes
0 comments
靜岡抹茶可樂，櫻花可樂
43 views
0 likes
0 comments
炙燒牛肉沙律
$38
20 views
0 likes
0 comments
有爽脆的生菜，加上輕輕燒過的牛肉好油香嫩滑，入口即溶，醬汁是微辛的芥末與酸酸甜甜的黑醋汁，特別用兩款醬汁，加入日式調味元素，味道豐富又夾，仲清減拉麵濃湯底的膩感。
特盛雞叉燒溏心蛋雞白湯拉麵
$88
33 views
0 likes
0 comments
雞白湯好濃厚好重雞味，而且仲好香好吸引，比屋企煲的雞湯更濃更正，怕油可以走油及要淡味湯，但我點的濃湯也不算很膩。麵條是直的幼麵，我點了硬麵，因為我食得慢，加上個人喜歡硬身煙韌有彈性的麵質，呢度就好岩我口味。
雖然係幼身麵，但由於湯底夠濃厚，掛麵效果好，所以好夠味。
雞叉燒超大片，經炙燒過有陣焦香味，肉質有彈性，雞肉雪白嫩腍，而且雞皮薄薄少脂肪，連唔太食雞皮既我都連皮食。
溏心蛋入味，蛋黃甘香濃滑，蛋味重，食拉麵不可缺少味玉。
食到一半，幫友人的海老豚骨湯加蒜泥，順便我我雞白湯也加點。前者味道很夾，不但去海鮮腥味，仲令個湯更鮮香。後者配雞湯味道更香濃惹味。
雞叉燒真係超大件，有圖有真相，睇下最尾個片雞，厚身啖啖肉，超滿足。
餐廳主要有三款湯底，分別是醬油豚骨/海老豚骨/雞白湯。配搭叉燒及溏心蛋，怕唔夠飽仲有特盛大份量，超抵食。小食有餃子、沙律、醃菜及六款口味的天婦羅無骨雞翼等等，飲品比較特別的是抹茶或櫻花可樂。
Post
